പാലക്കാട്: മണ്ണാര്ക്കാട് ഭീമനാട് പെരുങ്കുളത്ത് കുളത്തില് മൂന്ന് സഹോദരിമാര് മുങ്ങി മരിച്ചു.ഭീമനാട് സ്വദേശിനികളായ നാഷിദ (26) , റമീഷ (23), റന്ഷി (18), എന്നവരാണ് മരിച്ചത്. മൃതദേഹങ്ങള് മണ്ണാര്ക്കാട് സ്വകാര്യ ആശുപത്രയിലേക്ക് മാറ്റി.
ബുധനാഴ്ച ഉച്ചയോടെ കുളിക്കാനിറങ്ങിയ സഹോദരിമാര് അപകടത്തില് പെടുകയായിരുന്നു.ഇവര് കുളിക്കാനിറങ്ങിയപ്പോള് പിതാവും സമീപത്ത് തുണി അലക്കുകയായിരുന്നു.
ഒരേക്കറോളം വിസ്തൃതിയിലുള്ള കുളത്തിന് നല്ല ആഴവുമുണ്ട്.ഇവരുടെ വീട് കുളത്തിന് സമീപം തന്നെയാണ്. മരിച്ച റന്ഷി ഒന്നാം വര്ഷ നഴ്സിംഗ് വിദ്യാര്ഥിനയാണ്. വിവാഹിതരായ മറ്റ് രണ്ടുപേരും ഓണം അവധക്കായി വീട്ടില് എത്തയതായിരുന്നു.
അപകടത്തെ തുടര്ന്ന് പിതാവ് ബഹളം കൂട്ടിയെങ്കിലും ഒറ്റപ്പെട്ട പ്രദേശമായതിനാല് ആരും എത്തിയില്ല. ഏതാനും സമയം കഴിഞ്ഞ് അതുവഴിയെത്തിയ ഇതര സംസ്ഥാന തൊഴിലാളിയാണ് മറ്റുളളവരെ വിവരമറിയിച്ച് രക്ഷാപ്രവര്ത്തനത്തിന് ആളെ എത്തിച്ചത്. ചെളിയില് പൂന്തിയ നിലയിലായിരുന്ന സഹോദരിമാരെ ആശുപത്രിയിലേക്കെത്തിച്ചപ്പോഴേക്കും അതിഗുരുതരാവസ്ഥയിലായിരുന്നു. അടിയന്തര ജീവന് രക്ഷാ നടപടികള് സ്വീകരിച്ചെങ്കിലും ഫലമുണ്ടായില്ല.
