ഐസ്വാൾ: മിസോറാമിൽ നിർമാണത്തിലിരുന്ന റെയിൽവേ പാലം തകർന്നു വീണ് 17 തൊഴിലാളികൾ മരിച്ചതായി റിപ്പോർട്ടുകൾ. രാവിലെ 10 മണിയോടെയായിരുന്നു സംഭവം. സൈരംഗ് മേഖലയ്ക്ക് സമീപം കുറുങ് നദിയെ ബന്ധിപ്പിക്കുന്ന പാലമാണ് തകർന്നത്.
വടക്കു കിഴക്കൻ മേഖലയിലെ എല്ലാ സംസ്ഥാന തലസ്ഥാനങ്ങളെയും ബന്ധിപ്പിക്കുന്നതിനുള്ള ഇന്ത്യൻ റെയിൽവേയുടെ പദ്ധതിയുടെ ഭാഗമായ പാലമാണ് തകർന്നത്. അപകടം നടക്കുമ്പോൾ 40 കൂടുതൽ തൊഴിലാളികൾ സംഭവ സ്ഥലത്തുണ്ടായിരുന്നു. മരണനിരക്ക് ഇനിയും കൂടാനാണ് സാധ്യത.
24 തൊഴിലാളികൾ കുടുങ്ങിക്കിടക്കുന്നതായി സംശയിക്കുന്നു. രക്ഷാപ്രവർത്തനം പുരോഗമിക്കുകയാണ്. അപകട കാരണം കണ്ടെത്താനായിട്ടില്ലെന്ന് റെയിൽവേ അറിയിച്ചു.
