ബെര്‍ലിന്‍: ജര്‍മ്മനിയിലെ ഡസല്‍ഡോര്‍ഫില്‍ നടന്ന ചതുര്രാഷ്ട്ര ടൂര്‍ണമെന്റില്‍ ഇന്ത്യന്‍ ജൂനിയര്‍ പുരുഷ ഹോക്കി ടീം ഇംഗ്ലണ്ടിനെ പരാജയപ്പെടുത്തി. സ്‌കോര്‍ 4-0.
ഇന്ത്യക്കായി രജീന്ദര്‍ സിംഗ്, അമീര്‍ അലി, അമന്‍ദീപ് ലക്ര, അരയ്ജീത് സിംഗ് ഹുണ്ടല്‍ എന്നിവര്‍ ഓരോ ഗോള്‍ വീതം നേടി.
സ്പെയിനിനെതിരെ 6-2ന്റെ കൂറ്റന്‍ ജയത്തോടെയാണ് ഇന്ത്യ ടൂര്‍ണമെന്റിന് തുടക്കം കുറിച്ചത്.
എന്നാല്‍ കഴിഞ്ഞ മത്സരത്തില്‍ ഇന്ത്യ ആതിഥേയരായ ജര്‍മ്മനിയോട് 2-3 ന് പരാജയപ്പെട്ടു. ലീഗ് ഘട്ടത്തില്‍ ഒന്നാം സ്ഥാനത്തെത്തിയ ഇന്ത്യ ടൂര്‍ണമെന്റിന്റെ ഫൈനലില്‍ ജര്‍മ്മനിയെ നേരിടും.
