പള്ളിക്കത്തോട്: പുതുപ്പള്ളിയില് പ്രതിപക്ഷത്തിന്റെ ഏക സ്ഥാനാര്ത്ഥി ലിജിന്ലാല് ആണെന്ന് ബിജെപി സംസ്ഥാന പ്രസിഡന്റ് കെ. സുരേന്ദ്രന്. എന്ഡിഎ സ്ഥാനാര്ത്ഥിയുടെ നാമനിര്ദേശ പത്രിക സമര്പ്പണത്തിനെത്തിയപ്പോഴായിരുന്നു പ്രതികരണം.
വി.ഡി. സതീശന് സാങ്കേതികമായി മാത്രമാണ് പ്രതിപക്ഷനേതാവ്. ചാണ്ടി ഉമ്മനും ജെയ്ക്കും ഭരണവിലാസത്തിന്റെ സ്ഥാനാര്ത്ഥികളാണ്. വിലക്കയറ്റത്തില് വലയുന്ന ജനങ്ങള് നേരിടുന്ന പ്രശ്നങ്ങള്ക്ക് ഇരുമുന്നണികളുമാണ് ഉത്തരവാദികള്. പുനര്ജനി കേസില് വി.ഡി. സതീശനെ ചോദ്യം ചെയ്യാന് ഇതുവരെ അധികൃതര് തയാറായിട്ടില്ല. സതീശനാ
ണ് പിണറായി വിജയന്റെ പെട്ടിചുമക്കുന്നത്. മുഖ്യമന്ത്രിക്ക് എപ്പോള് വീഴ്ചയുണ്ടായാലും താങ്ങിനിര്ത്തുന്നത് സതീശനും സുധാകരനുമാണ്.
കേന്ദ്ര സര്ക്കാരിന്റെ വികസനം പുതുപ്പള്ളിയിലെ എല്ലാ വീട്ടിലും കാണാന് സാധിക്കും. എല്ലാ വീടുകളിലും സൗജന്യമായി അരി കിട്ടുന്നു. എല്ലാ വീട്ടുകാര്ക്കും കൊവിഡ് വാക്സിന് കൊടുത്തിട്ടുണ്ട്. എല്ലാ വീടുകളിലും പൈപ്പിലൂടെ വെള്ളം എത്തിക്കാന് ശ്രമിക്കുന്നു. പതിനായിരക്കണക്കണക്കിന് പേര്ക്ക് മുദ്രാ വായ്പ കൊടുത്തു. ഇങ്ങനെ നിരവധി കേന്ദ്രസര്ക്കാര് പദ്ധതികളാണ് മണ്ഡലത്തില് നടപ്പാകുന്നതെന്നും കെ. സുരേന്ദ്രന് പറഞ്ഞു.
ഏക പ്രതിപക്ഷ സ്ഥാനാര്ത്ഥി ലിജിന് ലാല് : കെ. സുരേന്ദ്രന്
വിലക്കയറ്റത്തില് വലയുന്ന ജനങ്ങള് നേരിടുന്ന പ്രശ്നങ്ങള്ക്ക് ഇരുമുന്നണികളുമാണ് ഉത്തരവാദികള്.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.