തിരുവനന്തപുരം: അന്വേഷണമികവിനുള്ള കേന്ദ്ര ആഭ്യന്തരമന്ത്രിയുടെ മെഡലിന് കേരളത്തില്‍ നിന്ന് ഒന്‍പതു പേര്‍ അര്‍ഹരായി. എസ്പിമാരായ ആര്‍. ഇളങ്കോ (സ്‌റ്റേറ്റ് സ്‌പെഷല്‍ ബ്രാഞ്ചില്‍ ടെക്‌നിക്കല്‍ ഇന്റലിജന്‍സ് വിഭാഗം എസ്പി), വൈഭവ് സക്‌സേന (കാസര്‍കോട് ജില്ലാ പോലീസ് മേധാവി), ഡി. ശില്‍പ്പ (തിരുവനന്തപുരം റൂറല്‍ ജില്ലാ പോലീസ് മേധാവി), അഡീഷണല്‍ എസ്പി എം.കെ. സുല്‍ഫിക്കര്‍ (തിരുവനന്തപുരം റൂറല്‍) എന്നിവരാണ് മെഡല്‍ നേടിയ ഉയര്‍ന്ന ഉദ്യോഗസ്ഥര്‍.
ഡിവൈഎസ്പിമാരായ പി. രാജ്കുമാര്‍ (കൊച്ചി സിറ്റി അസിസ്റ്റന്റ് കമ്മിഷണര്‍), കെ.ജെ. ദിനില്‍ (സ്‌റ്റേറ്റ് സ്‌പെഷ്യല്‍ ബ്രാഞ്ച് ആസ്ഥാനത്ത് അഡ്മിനിസ്‌ട്രേഷന്‍ വിഭാഗം അസിസ്റ്റന്റ് കമ്മിഷണര്‍), ഇന്‍സ്‌പെക്ടര്‍മാരായ കെ.ആര്‍. ബിജു (ചവറ), പി. ഹരിലാല്‍ (തിരുവനന്തപുരം മെഡിക്കല്‍ കോളജ്), സബ് ഇന്‍സ്‌പെക്ടര്‍ കെ. സാജന്‍ (തിരുവനന്തപുരം റൂറല്‍ ജില്ലാ, ക്രൈംബ്രാഞ്ച്) എന്നിവരാണ് മെഡല്‍ ലഭിച്ച മറ്റു പോലീസ് ഉദ്യോഗസ്ഥര്‍.
