ന്യൂഡൽഹി: മണിപ്പൂർ വിഷയം സഭയിൽ ചർച്ച ചെയ്യാൻ കേന്ദ്രസർക്കാർ തയ്യാറായതോടെ രാഹുല്‍ ഗാന്ധിയുടെ സമനില തെറ്റിയെന്ന് കേന്ദ്രമന്ത്രി പ്രള്‍ഹാദ് ജോഷി. മണിപ്പൂരിനെക്കറിച്ച് ചര്‍ച്ച വേണമെന്ന് ഇത്രകാലവും ആവശ്യപ്പെട്ട ശേഷം പ്രധാനമന്ത്രി മറുപടി പ്രസംഗം നടത്തുമ്പോള്‍ രാഹുല്‍ഗാന്ധി ഇറങ്ങിപ്പോയത് തെറ്റായിപ്പോയെന്ന് അസം മുഖ്യമന്ത്രി ഹിമന്ത ബിശ്വ ശര്‍മ്മ പറഞ്ഞു.
മോദി പ്രസംഗിക്കാുമ്പോള്‍ രാഹുൽ സഭയിലിരിക്കാനും മറുപടി കേൾക്കാനും തയ്യാറായില്ല. അദ്ദേഹത്തിന് സമനില തെറ്റിയെന്നാണ് തോന്നുന്നതെന്നും പ്രൽഹാദ് ജോഷി പറഞ്ഞു.പ്രധാനമന്ത്രിയുടെ മറുപടി പ്രസംഗത്തെ കുറ്റപ്പെടുത്തി രാഹുൽ ഗാന്ധി സംസാരിച്ചതിന് പിന്നാലെയായിരുന്നു കേന്ദ്രമന്ത്രിയുടെ പ്രതികരണം.
മണിപ്പൂരിനെക്കുറിച്ച് പ്രതിപക്ഷത്തിന് യാതൊരു ആശങ്കയുമില്ലെന്ന് അവര്‍ തന്നെ തെളിയിച്ചു. അല്ലെങ്കില്‍ പ്രധാനമന്ത്രി മണിപ്പൂരിനെക്കുറിച്ച് സംസാരിക്കുമ്പോള്‍ സഭയില്‍ നിന്നും ഇറങ്ങിപ്പോയത് ഈ വിഷയത്തില്‍ പ്രതിപക്ഷത്തിനുള്ള ഉത്തരവാദിത്വമില്ലായ്‌മയാണ് കാണിക്കുന്നത്. – ഹിമന്ത ബിശ്വ ശര്‍മ്മ പറഞ്ഞു.
