ന്യൂദല്ഹി: ഇന്ത്യാ വിരുദ്ധ പ്രവര്ത്തനത്തിനും പ്രചാരണത്തിനും ചൈന കോടികളൊഴുക്കിയെന്നും ഇതിന് ചുക്കാന് പിടിച്ചത് യുഎസ് കോടീശ്വരനായ നെവില് റോയി സിംഘാമാണെന്നും ന്യൂയോര്ക്ക് ടൈംസ് റിപ്പോര്ട്ട്. ദല്ഹിയിലെ ന്യൂസ് ക്ലിക്ക് എന്ന മാധ്യമമാണ് സിംഘാം വഴി ചൈനീസ് പണം വാങ്ങി രാജ്യവിരുദ്ധമായി പ്രവര്ത്തിക്കുന്നതെന്നും കണ്ടെത്തിയിട്ടുണ്ട്.
മസാച്ചുസെറ്റ്സിലെ ഒരു ബൗദ്ധിക കേന്ദ്രം മുതല് മാന് ഹാട്ടന് വരെ, ദക്ഷിണാഫ്രിക്കയിലെ ഒരു രാഷ്ട്രീയ പാര്ട്ടി മുതല് ഇന്ത്യയിലെയും ബ്രസീലിലെയും വാര്ത്താ സ്ഥാപനങ്ങള് വരെ എങ്ങനെയാണ്, ചൈനീസ് സര്ക്കാരും നെവില് റോയി സിംഘാമും ഒത്തൊരുമിച്ചു പ്രവര്ത്തിച്ചതെന്നും ലോകമെങ്ങുമുള്ള പ്രചാരണത്തിന് പണമൊഴുക്കിയതെന്നും ന്യൂയോര്ക്ക് ടൈംസ് വിശദീകരിക്കുന്നുമുണ്ട്.
രാജ്യവിരുദ്ധ, ചൈനാനുകൂല റിപ്പോര്ട്ടുകള് പ്രസിദ്ധീകരിച്ച ന്യൂസ് ക്ലിക്കിനെ സിംഘാം വഴി വലിയ തോതില് പണം നല്കി ചൈന സഹായിച്ചതായും ന്യൂയോര്ക്ക് ടൈംസ് റിപ്പോര്ട്ടില് പറയുന്നു. ചൈനീസ് നിലപാടു പ്രചരിപ്പിച്ച, സിംഘാമുമായി ബന്ധമുള്ള ചില ഗ്രൂപ്പുകള്ക്കായി ദശലക്ഷക്കണക്കിന് ഡോളറുകള് ചെലവിട്ടതായും റിപ്പോര്ട്ടിലുണ്ട്. ഇത്തരം ഗ്രൂപ്പുകള് യൂട്യൂബില് വീഡിയോകള് അപ്ലോഡ് ചെയ്യുകയുമുണ്ടായി.
