കൊച്ചി: ആലുവയില് തട്ടിക്കൊണ്ടുപോയി കൊലപ്പെടുത്തിയ അഞ്ചുവയസുകാരി െൈലംഗിക പീഡനത്തിന് ഇരയായിയെന്ന് പോസ്റ്റ്മോര്ട്ടം റിപ്പോര്ട്ട്. കുട്ടിയെ പ്രതി പീഡിപ്പിച്ച് കൊലപ്പെടുത്തിയെന്നാണ് പോസ്റ്റ്മോര്ട്ടം വ്യക്തമാക്കുന്നതെന്ന് പോലീസ് സ്ഥിരീകരിച്ചു. കുട്ടിയുടെ രഹസ്യഭാഗങ്ങളിലടക്കം മുറിവുകളുള്ളതായാണ് ഇന്ക്വസ്റ്റ് പരിശോധനയില് കണ്ടെത്തിയിട്ടുള്ളത്.
കല്ലുകൊണ്ട് തലയ്ക്കടിച്ചാണ് കുട്ടിയെ കൊന്നതെന്നായിരുന്നു പോലീസിന്റെ പ്രാഥമിക നിഗമനം. എന്നാല് കുട്ടിയുടെ കഴുത്ത് ഞെരിച്ചിരുന്നുവെന്നും റിപ്പോര്ട്ടുണ്ട്. ആലുവ മാര്ക്കറ്റിന് പിന്നിലെ കാടുമൂടിയ ഒറ്റപ്പെട്ട സ്ഥലത്തെത്തിയ പ്രതി പെണ്കുട്ടിയെ അതിക്രൂരമായി പീഡിപ്പിച്ചശേഷം കൊലപ്പെടുത്തിയെന്നാണ് വിവരം.
കഴിഞ്ഞദിവസം വൈകിട്ടാണ് ബിഹാര് ദമ്പതിമാരുടെ മകളായ അഞ്ചുവയസ്സുകാരിയെ അഷ്ഫാഖ് അസ്ലം എന്ന ബിഹാര് സ്വദേശി തട്ടിക്കൊണ്ടുപോയത്. ആലുവ മാര്ക്കറ്റിന് സമീപമെത്തിയ ഇയാള് മാര്ക്കറ്റിന് പിറകിലേക്ക് കുട്ടിയുമായി നടന്നാണ് എത്തിയത്. ഒന്നാംക്ലാസ് വിദ്യാര്ഥിനിയായ കുട്ടിയെ കല്ലുകൊണ്ട് അടിച്ച് കൊലപ്പെടുത്തിയെന്നാണ് റിപ്പോര്ട്ട്.
മരണം ഉറപ്പാക്കിയശേഷം പ്ലാസ്റ്റിക് കവറുകളും ചാക്കും മൃതദേഹത്തിന് മുകളിലിട്ടു. ശേഷം മൂന്ന് കല്ലുകളും ഇതിനുമുകളില്വെച്ചാണ് പ്രതി സ്ഥലത്തുനിന്ന് കടന്നുകളഞ്ഞതെന്നും പോലീസ് കരുതുന്നു. അതേസമയം, പ്രതിയെ മാര്ക്കറ്റിലെത്തിച്ചപ്പോള് വന്പ്രതിഷേധമാണുയര്ന്നത്. രോഷാകുലരായ നാട്ടുകാരും സ്ഥലത്തുണ്ടായിരുന്ന തൊഴിലാളികളും പോലീസ് ജീപ്പ് വളഞ്ഞു.
