ഉത്തരാഖണ്ഡ്: ചമോലിയില്‍ പാലം വൈദ്യുതീകരിച്ച് അളകനന്ദ നദിയുടെ തീരത്ത് ട്രാന്‍സ്‌ഫോര്‍മര്‍ പൊട്ടിത്തെറിച്ചതിനെ തുടര്‍ന്ന് ഒരു പോലീസ് ഉദ്യോഗസ്ഥന്‍ ഉള്‍പ്പെടെ പതിനഞ്ചോളം പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു. പരിക്കേറ്റവരെ വിദഗ്ധ ചികില്‍സയ്‌ക്കായി ആശുപത്രിയില്‍ പ്രവേശിപ്പിച്ചു. പോലീസ്, രക്ഷാപ്രവര്‍ത്തകര്‍ എന്നിവര്‍ സ്ഥലത്തെത്തി രക്ഷാപ്രവര്‍ത്തനം ആരംഭിച്ചിട്ടുണ്ട്.
ഇന്നലെ രാത്രിയാണ് സംഭവം നടന്നത്. ഒരു വാച്ച്മാന്‍ വൈദ്യുതാഘാതമേറ്റ് മരിച്ചതായി ഗ്രാമത്തില്‍ നിന്ന് പോലീസിന് വിവരം ലഭിച്ചു. ഇതേതുടര്‍ന്ന് പരിശോധനക്കായി പോലീസ് ഉദ്യോഗസ്ഥര്‍ ഗ്രാമവാസികളോടൊപ്പം പോയപ്പോള്‍, നിരവധി ആളുകള്‍ക്ക് വൈദ്യുതാഘാതമേറ്റ് ഗുരുതരമായി പരിക്കേറ്റു.
സംഭവത്തില്‍ ഒരു പോലീസ് സബ് ഇന്‍സ്‌പെക്ടറും അഞ്ച് ഹോം ഗാര്‍ഡുകളും ഉള്‍പ്പെടെ 15 ഓളം പേര്‍ മരിച്ചു. വിഷയത്തില്‍ അന്വേഷണം നടക്കുകയാണ്. റെയിലിംഗില്‍ കറന്റ് ഉണ്ടായിരുന്നതായി പ്രഥമദൃഷ്ട്യാ വെളിപ്പെട്ടിരുന്നു. അന്വേഷണത്തില്‍ കൂടുതല്‍ വിവരങ്ങള്‍ മനസ്സിലാക്കാന്‍ സാധിക്കുമെന്ന് ഉത്തരാഖണ്ഡ് പോലീസ് അഡീഷണല്‍ ഡയറക്ടര്‍ ജനറല്‍ പറഞ്ഞു.
സംഭവത്തില്‍ ജുഡീഷ്യല്‍ അന്വേഷണത്തിന് ഉത്തരാഖണ്ഡ് മുഖ്യമന്ത്രി പുഷ്‌കര്‍ സിംഗ് ധാമി ഉത്തരവിട്ടു. പിപാല്‍കോട്ടിയുടെ ചുമതലയുള്ള ഔട്ട്‌പോസ്റ്റിനും അപകടത്തില്‍ ജീവന്‍ നഷ്ടപ്പെട്ടു. ‘ഇത് വളരെ ദൗര്‍ഭാഗ്യകരമായ സംഭവമാണ്. പോലീസും എസ്ഡിആര്‍എഫും രക്ഷാപ്രവര്‍ത്തകരും സ്ഥലത്തുണ്ട്. കുറ്റക്കാര്‍ക്കെതിരെ കര്‍ശന നടപടിയെടുക്കും,’ മുഖ്യമന്ത്രി പറഞ്ഞു.
