ഇംഫാല്: മണിപ്പൂരിലെ പോലീസ് സ്റ്റേഷനുകളില് നിന്നും മറ്റും മോഷണം പോയ ആയുധങ്ങള്ക്കായുള്ള തെരച്ചിലില് വൈദ്യുത പോസ്റ്റുകള്, ജിഐ പൈപ്പുകള് എന്നിവ ഉപയോഗിച്ച് നിര്മിച്ച ആയുധങ്ങള് കണ്ടെത്തി. മണിപ്പൂരിലെ കുന്നിന് പ്രദേശങ്ങളില് നടത്തിയ തെരച്ചിലിലാണ് ഇവയുടെ ശേഖരം കണ്ടെത്തിയത്. കൂടാതെ എകെ 47 തോക്കുകളും ഇന്സാസ് റൈഫിളുകളും കൂട്ടത്തിലുണ്ടായിരുന്നതായി പോലീസ് അറിയിച്ചു.
അടുത്തിടെ സമീപ പ്രദേശമായ ചുരാചന്ദ്പൂരില് നിന്ന് നിരവധി വൈദ്യുത പോസ്റ്റുകള് കാണാതായിരുന്നു. കുടിവെള്ള പൈപ്പുകളും പിഴുതെടുത്ത നിലയില് കണ്ടെത്തി. ഇവയെല്ലാം ആയുധങ്ങള് നിര്മിക്കാനായി ഉപയോഗിച്ചിരിക്കാമെന്ന് അന്വേഷണ സംഘം അറിയിച്ചു.
പരമ്പരാഗതമായി വാളും, അമ്പും, വില്ലും ഉപയോഗിച്ചിരുന്നവരാണ് ഈ പ്രദേശത്തുള്ളവര്. പിന്നീട് തോക്കുകളും ബുള്ളറ്റുകളും ഉപയോഗിക്കാന് തുടങ്ങി. വൈദ്യുത പോസ്റ്റുകള് ഉപയോഗിച്ച് നിര്മിക്കുന്ന തോക്കുകള് ബമ്പി എന്നാണ് അറിയപ്പെടുന്നത്. ഇവയ്ക്ക് വൈദ്യുത ചാര്ജ് നല്കി ദുരെ നിന്ന് പ്രവര്ത്തിപ്പിക്കാന് കഴിയുമെന്നും പോലീസ് വൃത്തങ്ങള് അറിയിച്ചു.
