കൊച്ചി: ഇന്ന് ഭാരതം ലോകത്തിലെ വലിയ ശക്തിയായിമാറിക്കൊണ്ടിരിക്കുമ്പോള് ഒരു കോണ്ട്രാക്ടര് എന്നനിലയില് ധര്മ്മാധിഷ്ഠിതമായ നിര്മ്മിതിയിലൂടെ രാജ്യത്തിന്റെ വികസനത്തില് പങ്കാളികളാവണമെന്ന് രാഷ്ട്രീയ സ്വയംസേവക സംഘം പ്രാന്ത പ്രചാരക് എസ്. സുദര്ശന് പറഞ്ഞു.
ഭാരതീയ കോണ്ട്രാക്ടേഴ്സ് സംഘ് സംസ്ഥാന കുടുംബ സംഗമത്തില് സംസാരിക്കുകയായിരുന്നു അദ്ദേഹം. കലൂര് പാവക്കുളം ഓഡിറ്റോറിയത്തില് വച്ച് നടന്ന സംസ്ഥാന കുടുബ സംഗമത്തില് ബി.സി.എസ് സംസ്ഥാന അദ്ധ്യക്ഷന് ജയന്തന് നമ്പൂതിരി അദ്ധ്യക്ഷത വഹിച്ചു. ബിസിഎസ് സംസ്ഥാന ജനറല് സെക്രട്ടറി എസ്. ശ്രീജിത്ത് സ്വാഗതവും, സംസ്ഥാന ട്രഷറര് വേണുഗോപാല് നന്ദിയും പറഞ്ഞു.
കുടുംബ സംഗമത്തില് വിവിധ വിഷയത്തില് രജ്ഞിത്ത് കാര്ത്തികേയന്, ശ്രീഗണേശന് എന്നിവര് ക്ളാസുകള് നയിച്ചു. കേരളത്തിലെ നിര്മ്മാണ മേഖലയിലെ വിവിധ പ്രശ്നങ്ങളും, പരിഹാരങ്ങള് എന്ന വിഷയത്തില് ബി.സി.എസ് സംസ്ഥാന രക്ഷാധികാരി വെങ്കിട്ടരാമന് ചര്ച്ച നയിച്ചു. സമാരോപില് കുടുംബ സംഗമ സന്ദേശം ഭാരതീയ സീമാ ജാഗരണ്മഞ്ച് അഖിലേന്ത്യ സംയോജക് എ. ഗോപാലകൃഷണന് നല്കി. കേരളത്തിലെ വിവിധ ജില്ലകളില് നിന്നും തിരഞ്ഞെടുത്ത 100ഓളം പ്രവര്ത്തകര് കുടുംബത്തോടൊപ്പം പങ്കെടുത്തു.
