പട്ടാമ്പി: ഗ്രീന്‍പാര്‍ക്കിലെ വാടകവീട്ടില്‍ സ്ത്രീയെയും പുരുഷനെയും മരിച്ച നിലയില്‍ കണ്ടെത്തിയ സംഭവത്തില്‍ ഫോറന്‍സിക് വിദഗ്ധര്‍ പരിശോധന നടത്തി. വിശദമായ അന്വേഷണത്തില്‍ മാത്രമെ മരണകാരണം കണ്ടെത്താനാവു എന്ന് പോലീസ് പറഞ്ഞു.
കഴിഞ്ഞ ദിവസം രാത്രിയാണ് പട്ടാമ്പി ഗ്രീന്‍പാര്‍ക്കിലെ വാടക വീട്ടില്‍ സ്ത്രീയെയും പുരുഷനെയും മരിച്ച നിലയില്‍ കണ്ടെത്തിയത്. കുളപ്പുള്ളി കണയത്തെ ചെരപ്പറമ്പില്‍ ശശികുമാര്‍ (ശശി-45), തൊഴുപ്പാടം സ്വദേശിനി ലീല (55) എന്നിവരെയാണ് മരിച്ച നിലയില്‍ കെണ്ടത്തിയത്. കണയം ചെമ്മംകുന്ന് രാമകൃഷ്ണന്റെ ഭാര്യയാണ് ലീല. ഇവര്‍ക്ക് രണ്ട് മക്കളുമുണ്ട്.
വര്‍ഷങ്ങളായി ശശിയും ലീലയും പട്ടാമ്പിയില്‍ വാടക വീട്ടിലാണ് താമസം. ലീലയെ നിലത്ത് മരിച്ചുകിടക്കുന്ന നിലയിലും ശശിയെ തൂങ്ങിമരിച്ച നിലയിലുമാണ് കണ്ടെത്തിയത്. തൊട്ടടുത്ത് താമസിക്കുന്നവരാണ് ഇരുവരും മരിച്ചു കിടക്കുന്നത് കïത്. തുടര്‍ന്ന് ക്വാര്‍ട്ടേഴ്സ് ഉടമയെ വിവരം അറിയിക്കുകയായിരുന്നു.
ക്വാര്‍ട്ടേഴ്സ് ഉടമ വിവരം അറിയിച്ചതിനെ തുടര്‍ന്ന് ഷൊര്‍ണൂര്‍ ഡിവൈഎസ്പി: പി.സി. ഹരിദാസിന്റെ നേതൃത്വത്തില്‍ പോലീസ് സംഘം സ്ഥലത്തെത്തി അന്വേഷണം നടത്തി. ലീലയെ കൊലപ്പെടുത്തി ശശി തൂങ്ങിമരിച്ചതാകാമെന്ന നിഗമനത്തിലാണ് പോലീസ്.
