കല്ലടിക്കോട് : തച്ചമ്പാറയില് കെഎസ്ആര്ടിസി ജീവനക്കാരന്റെ നിര്ത്തിയിട്ട ബൈക്ക് മോഷ്ടിച്ച പ്രതി പിടിയില്. മലപ്പുറം കൂട്ടായി സ്വദേശി അബ്ദുള് ജംഷിയെയാണ് കല്ലടിക്കോട് പോലീസ് പിടികൂടിയത്.
22ന് രാത്രി ബൈക്ക് തച്ചമ്പറായില് നിര്ത്തിയിട്ട് കെഎസ്ആര്ടിസി കണ്ടക്ടര് ബസില് കയറുകയും, അതേ ബസില് യാത്ര ചെയ്ത പ്രതി മുന്വശത്തു കൂടി ഇറങ്ങി ബൈക്ക് മോഷ്ടിച്ച് രക്ഷപ്പെടുകയായിരുന്നു. ഇയാള്ക്കെതിരെ പാലക്കാട്, മലപ്പുറം ജില്ലകളില് നിരവധികേസുകളുണ്ട്. പീഡനക്കേസില് 7 വര്ഷത്തെ ശിക്ഷ കഴിഞ്ഞു ഇറങ്ങിയതേയുള്ളൂ. എസ്ഐ ശിവശങ്കരന്,എസ്സിപിഒ ഉണ്ണികൃഷ്ണന്,സിപിഒ ജോസ്,രാകേഷ്, സൈഫുദ്ധീന് എന്നിവരാണ് പ്രതിയെ പിടികൂടിയത്.
