തിരുവനന്തപുരം : സംസ്ഥാനത്ത് തെരുവുനായ്ക്കളില് നിന്നുള്ള ഭീഷണി ഗുരുതരം. തെരുവ് നായ്ക്കളെ ദയാവധം ചെയ്യുന്നതിനുള്ള ചട്ടം നടപ്പാക്കും. നിയമങ്ങളുടേയും കോടതി വിധികളുടേയും പരിമിതികളില് നിന്ന് മാത്രമേ തീരുമാനം എടുക്കാനാവൂ. മൃഗസ്നേഹികളുടെ യോഗം വിളിച്ചു ചേര്ത്തശേഷം തീരുമാനം കൈക്കൊള്ളുമെന്ന് മന്ത്രി എം.ബി. രാജേഷ് പറഞ്ഞു.
നിലവിലെ എബിസി നിയമം തെരുവ് നായ നിയന്ത്രണം അസാധ്യമാക്കുന്നതാണ്. ഈ ചട്ടങ്ങള് ഭേദഗതി ചെയ്യണം. ഇതിനായി കോടതിയെ സമീപിക്കും. അക്രമകാരിയായ നായ്ക്കളെ കൊല്ലണം എന്നാവശ്യം കോടതിയുടെ ശ്രദ്ധയില്പെടുത്തും. മാരകമായ മുറിവുള്ള ചികിത്സിച്ചു ഭേദമാക്കാന് പറ്റാത്ത രോഗങ്ങളുള്ള തെരുവുനായ്ക്കളെ ദയാവധത്തിന് ഇരയാക്കും സംസ്ഥാനത്ത് ആവശ്യത്തിന് വാക്സീന് ഉണ്ട്.
സംസ്ഥാനത്ത് 20 എബിസി കേന്ദ്രങ്ങളാണ് ഉള്ളത്. 25 കേന്ദ്രങ്ങള് കൂടി ഉടന് പ്രവത്തനസജ്ജമാക്കും. മൊബൈല് എബിസി കേന്ദ്രങ്ങള് തുടങ്ങും. സ്ഥലസൗകര്യമുള്ള മൃഗാശുപത്രികളിലും എബിസി കേന്ദ്രങ്ങള് തുടങ്ങുമെന്നും മന്ത്രി കൂട്ടിച്ചേര്ത്തു.
