കണ്ണൂര്: തളിപ്പറമ്പില് ആശുപത്രിയില് രോഗിക്ക് കൂട്ടിരിക്കാനെത്തിയ സ്ത്രീയെ പാമ്പ് കടിച്ചു. തളിപ്പറമ്പ് താലൂക്ക് ആശുപത്രിയിലെ പേ വാര്ഡിലാണ് സംഭവം. വെള്ളിയാഴ്ച രാത്രി 12നാണ് സംഭവം. ചെമ്പേരി സ്വദേശി ലതയ്ക്ക്(55) ആണ് പാമ്പ് കടിയേറ്റത്.
ഇവരെ ഉടനെ ആശുപത്രിയുടെ ആംബുലന്സില് പരിയാരം മെഡിക്കല് കോളജിലേക്ക് മാറ്റി. ഇവര് അപകടനില തരണം ചെയ്തതായാണ് വിവരം. ആശുപത്രിയില് പ്രസവത്തിനായി എത്തിയ മകള്ക്ക് കൂട്ടിരിക്കാനെത്തിയതാണ് ഇവര്. രാത്രി നിലത്ത് കിടന്ന് ഉറങ്ങുമ്പോഴാണ് അണലി പാമ്പിന്റെ കടിയേറ്റത്. വാടക കൊടുത്ത് ഉപയോഗിക്കുന്ന പേ വാർഡിലാണ് സംഭവം നടന്നത്.
പാമ്പ് കടിച്ച ഉടൻ തന്നെ മനസിലായതിനാൽ വേഗത്തിൽ ചികിത്സ നൽകാനായി. പാമ്പിനെ ആളുകൾ തല്ലിക്കൊന്നു. ജനൽ വഴിയോ വാതിൽ വഴിയോ പാമ്പ് മു റിയ്ക്കുള്ളിലേക് കടന്നതാകാമെന്നാണ് നിഗമനം.
