ബെയ്ജിങ്: വരുന്ന ഫിഫ ലോകകപ്പ് ഫുട്‌ബോളില്‍ താന്‍ കളിക്കില്ലെന്ന് വ്യക്തമാക്കി സൂപ്പര്‍ താരം ലയണല്‍ മെസ്സി. രാജ്യാന്തര ഫുട്‌ബോളില്‍ താന്‍ നേടാവുന്ന ഏറ്റവും വലിയ നേട്ടം സ്വന്തമാക്കിയെന്ന് പറഞ്ഞ സൂപ്പര്‍ താരം ഖത്തര്‍ ലോകകപ്പ് നേടാനായതില്‍ അതിയായ സംതൃപ്തിയുണ്ടെന്നും അറിയിച്ചു.
രാജ്യാന്തര സൗഹൃദ ഫുട്‌ബോള്‍ മത്സരത്തിന്റെ ഭാഗമായി മെസ്സിയും അര്‍ജന്റീന ടീമും ചൈനയിലെ ബെയ്ജിങ്ങിലെത്തിയിട്ടുണ്ട്.
ഖത്തര്‍ ലോകകപ്പ് ക്വാര്‍ട്ടറില്‍ ഏറ്റുമുട്ടിയ അര്‍ജന്റീനയും ഓസ്‌ട്രേലിയയും നാളെ വീണ്ടും നേര്‍ക്കുനേര്‍. വൈകീട്ട് 5.30 മുതല്‍ ബെയ്ജിങ്ങിലെ വര്‍ക്കേഴ്‌സ് സ്‌റ്റേഡിയത്തിലാണ് മത്സരം.
ക്വാര്‍ട്ടര്‍ മത്സരത്തില്‍ അര്‍ജന്റീന 2-1ന് ജയിച്ച് മുന്നേറി ലോകകപ്പ് നേടിയിരുന്നു. നാളത്തെ മത്സരത്തിന് ശേഷം അര്‍ജന്റീനയ്‌ക്ക് ഏഷ്യയില്‍ മറ്റൊരു മത്സരം കൂടിയുണ്ട്.
വരുന്ന 19ന് ഇന്തോനേഷ്യക്കെതിരെയും അര്‍ജന്റീന കളിക്കും. ഗെലോറ ബംഗ് കര്‍ണോ സ്‌പോര്‍ട്‌സ് കോംപ്ലക്‌സിലാണ് മത്സരം.
