ഭൂവനേശ്വര്: ഇന്റര് കോണ്ടിനെന്റല് കപ്പില് രണ്ടാം മത്സരത്തിനിറങ്ങിയ ഇന്ത്യയ്ക്ക് ജയം. വനുവാറ്റുവിനെതിരായ മത്സരത്തില് ഏകപക്ഷീയമായ ഒരു ഗോളിനാണ് ഇന്ത്യ ജയിച്ചത്. 81-ാം മിനിറ്റില് ഇന്ത്യന് നായകന്സുനില് ഛേത്രിയാണ് ഇന്ത്യയുടെ വിജയഗോള് നേടിയത്.
ഇടത് പാര്ശ്വത്തില് നിന്ന് ഉള്ളിലേക്കിട്ട ക്രോസ് സുനില് ഛേത്രി വലയുടെ വലത് മുലയിലേക്ക് തൊടുക്കുകയായിരുന്നു. തുടര്ന്ന് ഇന്ത്യന് താരങ്ങള് ആഘോഷതിമിര്പ്പിലായി.
കളിയിലുടനീളം മികച്ച പ്രകടനവുമായാണ് ഇന്ത്യ മുന്നേറിയത്. ഗോള് നേടുന്നതിന് അഞ്ച് മിനിറ്റ് മുമ്പ് ഒരു സുവര്ണാവസരം തെല്ലകലത്തില് നഷ്ടപ്പെടുകയായിരുന്നു.
ജയത്തോടെ ഇന്ത്യ ആറ് പോയിന്റുമായി ഗ്രൂപ്പ് ഘട്ടത്തില് ഒന്നാമതെത്തി.
