ബ്യൂണസ് അയേഴ്‌സ് : ബാഴ്സയിലേക്ക് തിരിച്ചെത്താന്‍ ലയണല്‍ മെസിക്ക് താത്പര്യമുണ്ടെന്ന് താരത്തിന്റെ പിതാവ് ജോര്‍ജെ മെസി. അതിനിടെ ബാഴ്സയുടെ സാമ്പത്തിക രേഖകള്‍ ലാ ലീഗ അംഗീകരിച്ചതോടെ കൈമാറ്റത്തില്‍ നിര്‍ണായക മണിക്കൂറുകള്‍ ആണ് മുന്നിലെന്ന് വ്യക്തമായിട്ടുണ്ട്.
ലാ ലീഗയുടെ അനുവാദം ട്രാന്‍സ്ഫര്‍ മാര്‍ക്കറ്റ് നീക്കങ്ങള്‍ക്ക് മുഴുവന്‍ വേണമെന്നതിനാല്‍ അടുത്ത ദിവസം മുതല്‍ ടീമിന് താരങ്ങളെ വാങ്ങാന്‍ ഇറങ്ങാം.ബാഴ്സയിലേക്ക് മെസിയെ എത്തിക്കണമെന്നാണ് താരത്തിന്റെ പിതാവിന്റെയും ആഗ്രഹം.
ജോര്‍ജെ മെസി ലപോര്‍ടയുടെ വീട്ടില്‍ എത്തി ചര്‍ച്ച നടത്തിയെന്ന വാര്‍ത്ത പരന്നതോടെ മെസി ബാഴ്സയിലേക്ക് തിരിച്ചു വരാനുള്ള സാധ്യതയും ഏറി. അതേസമയം സൗദി അറേബിയയിലെ ടീം അല്‍ ഹിലാല്‍ ഓഫറുമായി മെസിക്ക് പിന്നാലെയുണ്ട്.
