ബെംഗളൂരു : സര്‍ക്കാര്‍ ഓഫീസുകളിലെ അഴിമതി ഇടപാടുകളില്‍ കര്‍ണാടകയില്‍ വിവിധ സ്ഥലങ്ങളില്‍ ലോകായുക്തയുടെ തെരച്ചില്‍. സംസ്ഥാന സര്‍ക്കാര്‍ ഉദ്യോഗസ്ഥരുടെ വീടുകളിലാണ് റെയ്ഡുകള്‍ നടക്കുന്നത്. തുമകുരു, ബിദര്‍, ഹാവേരി, ബെംഗളൂരു, മൈസൂരു എന്നീ ജില്ലകളിലാണ് റെയ്ഡുകള്‍ നടക്കുന്നത്.
ലോകായുക്തയ്‌ക്ക് ലഭിച്ച വിവിധ പരാതികളുടെ അടിസ്ഥാനത്തിലാണ് ഇപ്പോള്‍ തെരച്ചില്‍ നടത്തുന്നത്. സംസ്ഥാന തൊഴില്‍ വകുപ്പ് ഡെപ്യൂട്ടി ഡയറക്ടര്‍ നാരായണപ്പയുടെ ബെംഗളുരുവിലെ വീട്ടിലും ബന്ധുവീടുകളിലും ഉദ്യോഗസ്ഥര്‍ റെയ്ഡ് നടക്കുന്നുണ്ട്. മൈസൂരു സിറ്റി കോര്‍പ്പറേഷന്‍ ഉദ്യോഗസ്ഥന്‍ മഹേഷ് കുമാറിന്റെ വീട്ടിലും കൂടാതെ നിരവധി ഉദ്യോഗസ്ഥരുടെ വീടുകളിലും പരിശോധന നടന്നു വരികയാണ്.
