തിരുവനന്തപുരം: ബാലരാമപുരത്തെ മതപഠനശാല വിദ്യാര്ത്ഥിനിയുടെ ദുരൂഹ മരണത്തില് പ്രതിഷേധം ശക്തം. ബിജെപിയും എബിവിപിയും മതപഠന കേന്ദ്രമായ അല് അമാന് എജ്യുക്കേഷന് ആന്ഡ് ചാരിറ്റബിള് ട്രസ്റ്റിലേക്ക് പ്രതിഷേധപ്രകടനം നടത്തി.
17 കാരിയായ അസ്മിയയുടെ മരണത്തില് സമഗ്ര അന്വേഷണം ആവശ്യപ്പെട്ടാണ് പ്രതിഷേധം നടത്തിയത്. പ്രകടനത്തിനെ ബാലരാമപുരം പോലീസ് സ്റ്റേഷനില് മുന്നില് ബാരിക്കേട് വച്ച് തടഞ്ഞെങ്കിലും പ്രതിഷേധക്കാര് ബാരിക്കേഡ് ചാടിക്കടക്കാന് ശ്രമിച്ചു.
എന്നാല് പോലീസ് ശക്തമായ പ്രതിരോധം തീര്ത്തതോടെ ബിജെപി പ്രവര്ത്തകര് ബാലരാമപുരം-വിഴിഞ്ഞം റോഡില് കുത്തിയിരുന്ന് പ്രതിഷേധിച്ചു. മതപഠനശാല അനുകൂലികളും എതിര് ഭാഗത്ത് മുദ്രവാക്യം വിളിച്ച് എത്തിയിരുന്നു.
