ന്യൂദല്‍ഹി: പ്രധാനമന്ത്രി മോദിയുമായി കൂടിക്കാഴ്ച നടത്തി ക്രിക്കറ്റ് താരം രവീന്ദ്ര ജഡേജയും ഭാര്യയും ഗുജറാത്ത് എംഎല്‍എയുമായി റിവാബയും. കൂടിക്കാഴ്ചയ്‌ക്ക് ശേഷം രവീന്ദ്ര ജഡേജ ട്വിറ്ററില്‍ കുറിച്ചതിങ്ങിനെ:. “ഇനിയും അദ്ദേഹം എല്ലാവരേയും പ്രചോദിപ്പിച്ചുകൊണ്ടിരിക്കുമെന്ന് എനിക്കുറപ്പുണ്ട്”
ഇപ്പോള്‍ ഐപിഎല്ലില്‍ ചെന്നൈ സൂപ്പര്‍ കിംഗ്സില്‍ ഉജ്ജ്വല പ്രകടനം കാഴ്ചവെയ്‌ക്കുന്ന താരം കൂടിയാണ് രവീന്ദ്ര ജഡേജ. കഠിനാധ്വാനത്തിന്റെയും സമര്‍പ്പണ ബുദ്ധിയുടെയും മുഖ്യ ഉദാഹരണമാണ് പ്രധാനമന്ത്രിയെന്നും രവീന്ദ്ര ജഡേജ പറഞ്ഞു.
ഈ സീസണില്‍ ടി20യില്‍ രവീന്ദ്ര ജഡേജ 200 വിക്കറ്റ് തികച്ചിരുന്നു. രാജസ്ഥാന്‍ റോയല്‍സുമായി ചെന്നൈയില്‍ നടന്ന മത്സരത്തിലാണ് രവീന്ദ്ര ജഡേജ ഈ നേട്ടം സ്വന്തമാക്കിയത്.
