.
ഇലക്ട്രോണിക്സ് നിർമ്മാണത്തിൽ ഇന്ത്യ കുതിച്ചുയരുമെന്നും ഈ വ്യവസായത്തിൽ വലിയൊരു ഭാഗം ചൈനയിൽ നിന്ന് മാറി ഇന്ത്യയിലെത്തുമെന്നും കേന്ദ്ര ഇലക്ട്രോണിക്സ് ആൻഡ് ഐ ടി വകുപ്പ് സഹ മന്ത്രി രാജീവ് ചന്ദ്രശേഖർ. ഇലക്ട്രോണിക്സ് ഉൽപ്പാദനരംഗത്ത് ഇന്ത്യ ഏറ്റവും വലിയ രാഷ്ട്രമാകുമ്പോൾ “ചൈന ഏറെ ശ്രദ്ധിക്കേണ്ടതുണ്ടെ”ന്നും ദേശീയ വാർത്തചാനലിനു നൽകിയ അഭിമുഖത്തിൽ മന്ത്രി പറഞ്ഞു.
ടിം കുക്കിന്റെ നീക്കം, ചൈനയിൽ നിന്ന് മാറി ഇന്ത്യയെ ഒരു പ്രധാന വിൽപ്പന വിപണിയും ബദൽ ഉൽപ്പാദന കേന്ദ്രവും എന്ന നിലയിൽ പരിഗണിക്കുന്ന ആപ്പിൾ സിഇഒ ടിം കുക്കിൻെറ നടപടി ടെക്നോളജി രംഗത്തെ ഏറ്റവും വലിയ ആ സ്ഥാപനം ഇന്ത്യയിൽ കൂടുതൽ ശ്രദ്ധ കേന്ദ്രീകരിക്കുന്നതിന് അടിവരയിടുന്നു.
സാങ്കേതിക ലോകത്തെ എല്ലാ വലിയ കമ്പനികളും ഇന്ത്യയെക്കുറിച്ചും നമ്മുടെ രാജ്യത്ത് നിലനിൽക്കുന്ന വ്യവസായ അന്തരീക്ഷത്തെക്കുറിച്ചും മികച്ച അഭിപ്രായം രേഖപ്പെടുത്തുന്നു.
ചൈന കഴിഞ്ഞാൽ ലോകത്ത് ഏറ്റവുമധികം സ്മാർട്ട്ഫോൺ ഉപയോഗിക്കുന്നവരിൽ രണ്ടാം സ്ഥാനത്തുള്ള ഇന്ത്യയെ കുറിച്ച് ആപ്പിൾ വലിയ പ്രതീക്ഷയാണ് പുലർത്തുന്നത്. ഇന്ത്യയിൽ സ്വന്തമായ രണ്ടു സ്റ്റോറുകളാണ് ആപ്പിൾ ഈയാഴ്ച്ച തുറന്നിരിക്കുന്നത് . വിപണി മൂല്യത്തിന്റെ കാര്യത്തിൽ ലോകത്തിലെ ഏറ്റവും വലിയ ഈ കമ്പനി, അയൽരാജ്യമായ ചൈനയെ അമിതമായി ആശ്രയിക്കുന്നതിൽ നിന്ന് വിതരണ ശൃംഖലയെ വൈവിധ്യവൽക്കരിക്കുമ്പോൾ ഇന്ത്യയാണ് അവരുടെ മുഖ്യ പരിഗണനയിൽ വരുന്നത് .
കഴിഞ്ഞ കുറച്ച് വർഷങ്ങളായി ഇലക്ട്രോണിക്സ് നിർമ്മാണത്തിൽ ഇന്ത്യ ചെയ്ത കാര്യങ്ങൾ തങ്ങളിൽ വളരെയധികം മതിപ്പുളവാക്കുന്നു എന്നും ആപ്പിൾ ഇന്ത്യയിൽ പ്രവർത്തനം വ്യാപിപ്പിക്കാൻ ആഗ്രഹിക്കുന്നുവെന്നുമാണ് തന്നെ സന്ദർശിക്കാനെത്തിയ ടിം കുക്ക് പറഞ്ഞതെന്ന് അദ്ദേഹം വെളിപ്പെടുത്തി . ആപ്പിൾ-ഇന്ത്യ പങ്കാളിത്തം സമീപഭാവിയിൽത്തന്നെ ഇപ്പോഴുള്ളതിൽ നിന്ന് മൂന്നിരട്ടിയായി വർദ്ധിക്കും. ഇന്ത്യൻ വിപണിയിൽ മാത്രമല്ല, രാജ്യത്ത് നിന്നുള്ള കയറ്റുമതിയിലും, നിക്ഷേപങ്ങൾ, ജോലികൾ, മികച്ച അവസരങ്ങൾ എന്നിവയുടെ കാര്യത്തിലും വരും വർഷങ്ങളിലെ സാദ്ധ്യതകൾ നാലിരട്ടിയായി വർധിക്കും,” ചന്ദ്രശേഖർ പറഞ്ഞു.
“ഭാവിയിലെ വ്യവസായമെന്നത് ഒരു ഏകപക്ഷീയ സാഹചര്യമായിരിക്കില്ല. വരും നാളുകളിൽ വ്യവസായമെന്നത് ചൈനയോ ഇന്ത്യയോ മാത്രം ആയിരിക്കില്ല; ചൈനയും ഇന്ത്യയും വിയറ്റ്നാമും എല്ലാം അതിന്റെ ഭാഗമാകും. niravadhi രാജ്യങ്ങൾ ലോകം ആവശ്യപ്പെടുന്ന തരത്തിൽ കൂടുതൽ വൈവിധ്യപൂർണ്ണവും സാന്ദ്രത കുറഞ്ഞതുമായ ആഗോള മൂല്യ ശൃംഖലയുടെ ഭാഗമാകും. മുൻകാലങ്ങളിൽ, ചൈന എന്ന ഒരു രാജ്യത്തെ കേന്ദ്രീകരിച്ചായിരുന്നു ഇവയെല്ലാം കേന്ദ്രീകരിച്ചിരുന്നത്. കോവിഡിന് ശേഷമുള്ള ലോകം കൂടുതൽ വിശ്വസനീയവും വൈവിധ്യപൂർണ്ണവും പ്രതിരോധശേഷിയുള്ളതുമായ ഒരു രാജ്യമാണ് വ്യവസായ, വാണിജ്യ വിപുലീകരണത്തിനു ആഗ്രഹിക്കുന്നത്. ആ വിതരണ ശൃംഖലയുടെ പുനർനിർമ്മാണത്തിൽ പങ്കാളിയാകാൻ ഇന്ത്യ ഒരുങ്ങിക്കഴിഞ്ഞെന്ന് മന്ത്രി പറഞ്ഞു.
“ഇന്ത്യയുടെ അഭിലാഷങ്ങൾക്ക് മാത്രമല്ല, ലോകത്തിനും ഒരു പ്രതിഭയുടെ കേന്ദ്രമാകാൻ കഴിയുന്ന ഒരു ചരിത്ര നിമിഷത്തിലാണ് നമ്മൾ എന്ന് ഞാൻ തീർച്ചയായും കരുതുന്നു. ഈ ടാലന്റ് പോയിന്റിൽ ചേരാൻ യുവ ഇന്ത്യയെ രൂപപ്പെടുത്തുന്നതിനും സഹായിക്കുന്നതിനുമുള്ള പ്രക്രിയയിലാണ് ഞങ്ങൾ. തീർച്ചയായും, ആവേശകരമായ സമയങ്ങളാണ് നമുക്ക് മുന്നിലുള്ളത്,” അദ്ദേഹം പറഞ്ഞു.
വാഷിംഗ്ടണും ബീജിംഗും തമ്മിലുള്ള നയതന്ത്ര പിരിമുറുക്കങ്ങൾക്കും കർശനമായ കോവിഡ് നയങ്ങളിൽ നിന്നുള്ള വിതരണ ശൃംഖലയിലെ തകർച്ചയ്ക്കും ഇടയിൽ ഉപകരണങ്ങളുടെയും ഘടകങ്ങളുടെയും ഉത്പാദനം ചൈനയിൽ നിന്ന് മാറ്റാനുള്ള ആപ്പിളിന്റെ പദ്ധതികളിൽ ഇന്ത്യയും പരിഗണിക്കപ്പെടുന്ന കേന്ദ്രമായി മാറുകയാണ്.
ആപ്പിളിന്റെ ഐഫോണുകളിൽ 1 ശതമാനം മാത്രമാണ് 2021-ൽ ഇന്ത്യയിൽ നിർമ്മിച്ചത്, എന്നാൽ കഴിഞ്ഞ വർഷം അത് 7 ശതമാനമായി ഉയരുകയുണ്ടായി.
തൊഴിലെടുക്കുന്നവരിൽ നാലിൽ മൂന്ന് ഭാഗവും തങ്ങളുടെ തന്നെ തൊഴിൽ മേഖലകളിൽ അവിദഗ്ധർ ആയിരുന്നു എന്നതാണ് 2014 വരെ രാജ്യത്ത് നിലനിന്നിരുന്ന അവസ്ഥ. പുറമെ പ്രതിവർഷം 1.9 കോടി തൊഴിലാളികൾ അവരിലേക്ക് പുതുതായി എത്തപ്പെടുന്ന അവസ്ഥയുമുണ്ടായിരുന്നു. അവിടെ നിന്ന് കോവിഡ് അനന്തര കാലത്ത് ലോകം എത്തി നിൽക്കുമ്പോൾ ഏത് പരിശീലനം വഴി ഏത് തൊഴിൽ മേഖലക്കും ഇണങ്ങുന്ന നൈപുണ്യം സിദ്ധിച്ച യൂവജനങ്ങളുടെ ഒരു നിര തന്നെ രാജ്യത്ത് കെട്ടിപ്പടുക്കുന്നതിന് സ്കിൽ ഇന്ത്യ മിഷൻ മുതലായ സംരംഭങ്ങളിലൂടെ നമുക്ക് സാധിച്ചിട്ടുണ്ടെന്ന് അദ്ദേഹം പറഞ്ഞു.
സർക്കാർ, സ്വകാര്യ മേഖലകളിൽ തൊഴിലവസരങ്ങൾ സൃഷ്ട്ടിക്കുകയെന്നതിനപ്പുറം യുവാക്കളിൽ സംരംഭകത്വ സംസ്ക്കാരം വളർത്തുന്നതിനും അവരെയും രാജ്യത്തിന്റെ സമ്പദ്വ്യവസ്ഥയുടെ ഭാഗമാക്കുന്നതിനുമുള്ള ദീർഘവീക്ഷണത്തോടെയുള്ള പദ്ധതികളാണ് നരേന്ദ്ര മോദി സർക്കാരിന് കീഴിൽ കഴിഞ്ഞ പത്ത് വർഷമായി രാജ്യത്ത് നടന്നു വരുന്നത്, അദ്ദേഹം പറഞ്ഞു .
