തിരുവനന്തപുരം: കേന്ദ്ര സര്ക്കാരിനെ അട്ടിമറിക്കാനുളള കോണ്ഗ്രസ് നീക്കത്തിലും പ്രധാനമന്ത്രി നരേ നരേന്ദ്ര മോദിയുടെ വീടിന് മുന്നിലെ കോണ്ഗ്രസ് സമരത്തിലും പ്രതിഷേധിച്ച് തിരുവനന്തപുരത്തെ കെപിസിസി ആസ്ഥാനത്തേക്ക് ബിജെപി പ്രകടനം നടത്തി.പ്രതിഷേധത്തിനിടെ ബിജെപി സംസ്ഥാന അധ്യക്ഷനും എംഎഎല്എയുമായ രാജീവ് ചന്ദ്രശേഖറിന് നേരേ പൊലീസ് ജലപീരങ്കി പ്രയോഗിച്ചു. മുതിര്ന്ന നേതാവ് കുമ്മനം രാജശേഖരന് തിരുവനന്തപുരം ഡെപ്യൂട്ടി മേയര് ആശാനാഥ് തുടങ്ങി നിരവധി നേതാക്കള് നില്ക്കുമ്പോഴായിരുന്നു ജലപീരങ്കി പ്രയോഗം.
പ്രകടനം ഉദ്ഘാടനം ചെയ്ത രാജീവ് ചന്ദ്രശേഖര്,ജനാധിപത്യം അട്ടിമറിക്കാന് സമ്മതിക്കില്ലെന്ന് പറഞ്ഞു.നടന്നത് നരേന്ദ്രമോദിയെ ആക്രമിക്കാനുള്ള ശ്രമമാണെന്നും അദ്ദേഹം ചൂണ്ടിക്കാട്ടി.നാടിനെ രക്ഷിച്ച പ്രധാനമന്ത്രിയാണ് മോദി.വിദ്യാര്ഥികളുടെ പേരില് കോണ്ഗ്രസ് മുതലെടുപ്പ് രാഷ്ട്രീയം നടത്തുന്നു. ജനാധിപത്യം വഴി പിന്തുണ കിട്ടില്ലെന്ന് കോണ്ഗ്രസിന് അറിയാം. അത് കൊണ്ട് ഗൂഢാലോചന നടത്തി ഭരണം പിടിക്കാനാണ് ശ്രമിക്കുന്നത്. ദല്ഹിയില് കലാപം അഴിച്ചുവിടാനാണ് കോണ്ഗ്രസ് നീക്കമെന്ന് വി. മുരളീധരന് എംഎല്എ പറഞ്ഞു.പരീക്ഷാക്രമക്കേടില് വീഴ്ച വരുത്തിയവര്ക്കെതിരെ നടപടി സ്വീകരിച്ചിട്ടുണ്ട്.മേയര് വി വി രാജേഷും സംസാരിച്ചു.
വെള്ളയമ്പലത്തിനും- ഇന്ദിരാ ഭവനും ഇടയില് ബാരിക്കേഡ് വച്ച് പ്രകടനം പൊലീസ് തടഞ്ഞു. തുടര്ന്നായിരുന്നു ജലപീരങ്കി പ്രയോഗം.അതിനിടെ വനിത പ്രവര്ത്തകയെ പൊലീസ് മുഖത്തടിച്ചു.
അതേസമയം രാജ്യതലസ്ഥാനത്തെ വിദ്യാര്ഥി പ്രക്ഷോഭത്തിനെതിരെ പൊലീസ് നടപടി സ്വീകരിക്കുന്നതില് പ്രതിഷേധിച്ച് കറുത്ത വസ്ത്രം ധരിച്ചാണ് പ്രതിപക്ഷ എംപിമാര് ബുധനാഴ്ച പാര്ലമെന്റിന് മുന്നിലെത്തിയത്. രാഹുല്ഗാന്ധി, പ്രിയങ്ക ഗാന്ധി, അഖിലേഷ് യാദവ് എന്നിവര് ഉള്പ്പെടെയുള്ള നേതാക്കള് പ്രതിഷേധത്തില് പങ്കെടുത്തു. പൊലീസിനും കേന്ദ്ര സര്ക്കാരിനെതിരെ നേതാക്കള് മുദ്രാവാക്യം വിളിച്ചു. വിദ്യാര്ഥികളുടെ ന്യായമായ അവകാശങ്ങളെ അടിച്ചമര്ത്തുന്നുവെന്നാണ് ആരോപണം.ചോദ്യ പേപ്പര് ചോര്ച്ച വിഷയത്തില് സര്ക്കാര് മറുപടി പറയണമെന്നും പ്രതിപക്ഷം ആവശ്യപ്പെട്ടു.
കഴിഞ്ഞ ദിവസം ലോക് കല്യാണ് മാര്ഗില് പ്രധാനമന്ത്രിയുടെ വസതിക്ക് മുന്നില് നടത്തിയ പ്രതിഷേധത്തിനിടെ രാഹുല് ഗാന്ധി, പ്രിയങ്ക ഗാന്ധി, കെ സി വേണുഗോപാല് അടക്കം നിരവധി പ്രതിപക്ഷ നേതാക്കളെയും എംപിമാരെയും ദല്ഹി പൊലീസ് കസ്റ്റഡിയിലെടുത്ത ശേഷം വിട്ടയച്ചിരുന്നു. അതീവ സുരക്ഷയുളള പ്രധാനമന്ത്രിയുടെ വസതിക്ക് മുന്നില് അപ്രതീക്ഷിത പ്രതിഷേധമാണ് നടത്തിയത്.
