കോഴിക്കോട് : കോഴിക്കോട് തിരുവമ്പാടി അരിപ്പാറ വെള്ളച്ചാട്ടത്തില്‍ അകപ്പെട്ട് രണ്ട് മരണം. വിനോദയാത്രയ്‌ക്കെത്തിയ സംഘമാണ് അപകടത്തില്‍പ്പെട്ടത്. കോഴിക്കോട് മാങ്കാവില്‍ നിന്നെത്തിയ 14 പേരുടെ സംഘത്തിലെ 5 പേരാണ് വെള്ളച്ചാട്ടത്തിന് സമീപം മുങ്ങിപ്പോയത്.
കൂടെയുണ്ടായിരുന്നവരുടെ നിലവിളികേട്ട് സുരക്ഷാ ഉദ്യോഗസ്ഥരെത്തിയാണ് രക്ഷാപ്രവര്‍ത്തനം നടത്തിയത്. മൂന്ന് പേരെ രക്ഷപ്പെടുത്തി. 8, 9 ക്ലാസ് വിദ്യാര്‍ത്ഥികളായ അശ്വന്ത് കൃഷ്ണ, അഭിനവ് എന്നിവരാണ് മരിച്ചത്. പരിക്കേറ്റവരെ തിരുവമ്പാടി ആശുപത്രിയില്‍ പ്രവേശിപ്പിച്ചു. ഇവരുടെ ആരോഗ്യ നില തൃപ്തികരമാണെന്നാണ് അറിയുന്നത്. മുമ്പും അരിപ്പാറയില്‍ അപകടങ്ങള്‍ റിപ്പോര്‍ട്ട് ചെയ്തിട്ടുള്ളതാണ്. തുടര്‍ന്ന് ഇവിടെ സുരക്ഷയ്‌ക്കായി ജീവനക്കാരേയും നിയോഗിച്ചിരുന്നു.
