ആലപ്പുഴ: ഹരിപ്പാട് ബാങ്ക് ഉദ്യോഗസ്ഥനെ കസ്റ്റഡിയിലെടുത്ത് മര്ദ്ദിച്ച കേസില് ഡിവൈഎസ്പി ഉള്പ്പെടെ ഏഴ് പോലീസുകാര്ക്കെതിരെ കേസെടുത്തു. സംഭവത്തിൽ കേസെടുക്കാൻ മനുഷ്യാവകാശ കമീഷന്റെ നിര്ദ്ദേശമുണ്ടായിരുന്നു. ബാങ്ക് ഉദ്യോഗസ്ഥൻ അരുണിനെ കള്ളക്കേസെടുത്ത് ക്രൂരമായി മര്ദ്ദിച്ചതിന് ആണ് കേസ്.
ഹരിപ്പാട് പോലീസ് ആണ് കേസെടുത്തത്. 2017 ലെ യുഡിഎഫ് ഹര്ത്താൽ ദിവസമാണ് കേസിന്നാസ്പദമായ സംഭവം. ബസിന് കല്ലെറിഞ്ഞെന്ന് ആരോപിച്ച് അരുണിനെ കസ്റ്റഡിയിലെടുക്കുകയായിരുന്നു. ക്രൂരമായ മര്ദ്ദനത്തെ തുടര്ന്ന് അരുണിന് ഒരു മാസം ആശുപത്രിയില് കിടക്കേണ്ടി വന്നിരുന്നു.
ഡിവൈഎസ്പി മനോജ് കരണത്തടിക്കുകയും വൃഷണം ഞെരിക്കുകയും ചെയ്തെന്നാണ് എഫ്ഐആറിൽ പറയുന്നത്. എസ്ഐയും മറ്റ് പോലീസുകാരും കുനിച്ച് നിർത്തി നട്ടെല്ലിനും പുറത്തും മർദ്ദിക്കുകയുമായിരുന്നു.
