ന്യൂദല്ഹി : സിദ്ദിഖ് കാപ്പന് പ്രതിയായ എന്ഫോഴ്സ്മെന്റ് ഡയറക്ടറേറ്റ് കേസിന്റെ വിചാരണ കേരളത്തിലേക്ക് മാറ്റില്ലെന്ന് സുപ്രീംകോടതി. കേസ് വിചാരണ കേരളത്തിലേക്ക് മാറ്റണമെന്നാവശ്യപ്പെട്ട് പ്രതിയായ റൗഫ് ഷെരീഫാണ് സുപ്രീംകോടതിയെ സമീപിച്ചത്.
ഹര്ജി തള്ളിയ കോടതി ഉത്തര്പ്രദേശില് തന്നെ വിചാരണ തുടരാന് ആവശ്യപ്പെടുകയായിരുന്നു. ജസ്റ്റിസ് രാമസുബ്രഹ്മണ്യന്റെ ബെഞ്ചിന്റേതാണ് ഉത്തരവ്.
2013ലെ കേസില് 2018ലാണ് റൗഫ് ഷെരീഫ്, സിദ്ദിഖ് കാപ്പന് തുടങ്ങിയവര്ക്കെതിരെ കേസെടുത്തത്. കേസിലെ പ്രധാനപ്പെട്ട സാക്ഷികളെല്ലാം കേരളത്തിലാണെന്നും അതിനാല് കേരളത്തിലേക്ക് കേസ് മാറ്റണമെന്നുമാണ് ഹര്ജിയില് ആവശ്യപ്പെട്ടത്. നിലവില് ലഖ്നൗ കോടതിയിലാണ് കേസ് വിചാരണ നടക്കുന്നത്.
