മലയാള സിനിമാ പ്രേക്ഷകർക്ക് പ്രിയ താരജോഡി മീരാ ജാസ്മിനും നരേനും ഒരു ഇടവേളക്കുശേഷം ഒന്നിക്കുന്ന സിനിമയാണ് ‘ക്വീൻ എലിസബത്ത്’. എം. പത്മകുമാറാണ് സംവിധായകന്‍.
ബ്ലൂ മൗണ്ട് പ്രൊഡക്ഷൻസിന്റെ ബാനറിൽ രഞ്ജിത്ത് മണമ്പ്രക്കാട്ട്, ശ്രീറാം മണമ്പ്രക്കാട്, എം പത്മകുമാർ എന്നിവർ ചേര്‍ന്നാണ് ക്വീന്‍ എലിസബത്ത് നിര്‍മ്മിക്കുന്നത്. സിനിമയുടെ ഷൂട്ടിംഗ് കൊച്ചിയില്‍ തുടങ്ങി.
ഒരിടവേളയ്‌ക്ക് ശേഷം സത്യന്‍ അന്തിക്കാടിന്റെ മകള്‍ എന്ന സിനിമയിലാണ് മീരാ ജാസ്മിന്‍ വീണ്ടും മലയാള സിനിമയില്‍ മടങ്ങിയെത്തിയത്. 2008ല്‍ പുറത്തുവന്ന മിന്നാമിന്നിക്കൂട്ടം എന്ന സിനിമയ്‌ക്ക് ശേഷമാണ് മീരാ ജാസ്മിനും നരേനും വീണ്ടും ഒന്നിയ്‌ക്കുന്നത്.
ഫൺ ഫാമിലി ഡ്രാമായാണ് ഈ ചിത്രമെന്ന് സംവിധായകൻ എം പത്മകുമാർ പറയുന്നു. രമേഷ് പിഷാരടി, ജോണി ആന്‍റണി ശ്യാമപ്രസാദ്, ജൂഡ് ആന്‍റണി ജോസഫ്, വി കെ പ്രകാശ്, മല്ലികാ സുകുമാരൻ, ശ്വേതാ മേനോൻ, ശ്രുതി രജനീകാന്ത്, സാനിയാ ബാബു, ശ്വേതാ മേനോൻ, ആര്യ, നീനാ കുറുപ്പ്, മഞ്ജു പത്രോസ്, വിനീത് വിശ്വം, ചിത്രാ നായർ, രെഞ്ചി കങ്കോള്‍ എന്നിവരും അഭിനയിക്കുന്നു. കലാസംവിധാനം – എം.ബാവ, മേക്കപ്പ് – ജിത്തു പയ്യന്നൂർ, കോസ്റ്റ്യും – ഡിസൈൻ – അയിഷാ സഫീർ സേട്ട്, പ്രൊഡക്ഷൻ എക്സിക്യൂട്ടീവ്‌സ്-വിനോദ് വേണുഗോപാൽ, ബിജി കണ്ടഞ്ചേരി, പ്രൊഡക്ഷൻ കൺടോളർ – ഷിഹാബ് വെണ്ണല.
