ഉണ്ണിക്കൃഷ്ണന് ഉണ്ണിത്താന്
(സംസ്ഥാന അധ്യക്ഷന്, ബിഎംഎസ്)
മാധ്യമ രംഗത്ത് സത്യസന്ധത കൈമുതലാക്കി ഒരു ദേശീയ മാധ്യമം എന്ന നിലയില് ചുരുങ്ങിയ കാലം കൊണ്ട് ശ്രദ്ധേയമായ മുന്നേറ്റമാണ് ജന്മഭൂമി നടത്തിയത്. വാര്ത്തകള് പാര്ശ്വവല്ക്കരിക്കപ്പെടുകയും സത്യങ്ങള് തമസ്കരിക്കുകയും ചെയ്യുന്ന ഇക്കാലത്ത് വാര്ത്തകളില് പൂര്ണമായ സത്യസന്ധത പുലര്ത്തി സാധാരണ ജനങ്ങളുടെ വിശ്വാസമാര്ജ്ജിക്കാന് കഴിഞ്ഞതാണ് ജന്മഭൂമിയുടെ മുന്നേറ്റത്തിന് പ്രധാന കാരണം. ഒരു ദേശീയ ദിനപത്രമായ ജന്മഭൂമി രാജ്യത്തിന്റെ പുരോഗതിക്കുതകുന്ന വാര്ത്തകള്ക്ക് പ്രാധാന്യം കൊടുക്കുകയും രാജ്യവിരുദ്ധതയെ മടികൂടാതെ സമൂഹത്തിനു മുന്നില് തുറന്നു കാണിക്കുകയും ചെയ്യുന്നു. അത് അഭിനന്ദനാര്ഹമാണ്.
മാധ്യമ രംഗത്ത് കൂടുതല് അഭിവൃദ്ധി കൈവരിക്കാന് ജന്മഭൂമിക്കാകണം. തൊഴിലാളി സമൂഹം വലിയ പ്രതിസന്ധി നേരിടുന്ന കാലമാണിത്. ഒരുകാലത്ത് പാര്ട്ടിക്കു വേണ്ടി തൊഴിലാളി ശക്തി ഉപയോഗിച്ചവര് അധികാരം ലഭിച്ചപ്പോള് ആദ്യം തള്ളിക്കളഞ്ഞത്
ഇതേ തൊഴിലാളി സമൂഹത്തെയാണ്. അതിന്റെ ക്രൂരമുഖം ഓരോ ദിവസവും കൂടുതല് വ്യക്തമായിക്കൊണ്ടിരിക്കുന്നു. തൊഴിലാളികളുടെ പ്രശ്നങ്ങള് സമൂഹത്തിന്റെ മുന്നില് എത്തിക്കുന്നതില് വലിയ പങ്കുള്ള ജന്മഭൂമിയെ തൊഴിലാളി സമൂഹം ഇരുകൈയും നീട്ടി സ്വീകരിക്കണമെന്ന് ബിഎംഎസ് സംസ്ഥാന അധ്യക്ഷന് എന്ന നിലയില് ഞാന് അഭ്യര്ഥിക്കുന്നു.
