വാഷിങ്ടണ്: ഉക്രൈന് യുദ്ധത്തെ തുടര്ന്ന് റഷ്യന് പ്രസിഡന്റ് വ്ളാദിമിര് പുടിനെതിരെ അന്താരാഷ്ട്ര ക്രിമിനല് കോടതി അറസ്റ്റ് വാറണ്ട് പുറപ്പെടുവിച്ചു. ഉക്രൈനുമായുള്ള യുദ്ധവും. ഉക്രൈനില് നിന്നും അനധികൃതമായി കുട്ടികളെ കടത്തിയെന്നും ആരോപിച്ചാണ് നടപടി സ്വീകരിച്ചിരിക്കുന്നത്.
പുടിന് വിദേശ യാത്രകള് നടത്തുന്നതില് അന്താരാഷ്ട്ര കോടതിയുടെ ഈ വിധി തടസ്സമായേക്കും. എന്നാല് ഇത് അതിരുകടന്ന നടപടിയാണെന്നാണ് റഷ്യ പ്രതികരിച്ചത്. എന്നാല് റഷ്യ അന്താരാഷ്ട്ര കോടതിയില് അംഗമല്ല. അംഗരാജ്യങ്ങള്ക്കെതിരെ മാത്രമേ നടപടി സ്വീകരിക്കാന് സാധിക്കൂവെന്നും റഷ്യ അറിയിച്ചു.
അതേസമയം നടപടിയെ ഉക്രൈന് പ്രസിഡന്റ് വ്ളാദിമിര് സെലന്സ്കി സ്വാഗതം ചെയ്തു. ഉക്രൈന്റെ മേല് ആണവായുധം പ്രയോഗിക്കുമെന്നുള്ള പുടിന്റെ ഭീഷണി യാഥാര്ത്ഥ്യമാണെന്ന് റഷ്യയിലെ പ്രതിപക്ഷനിരയിലുള്ള രാഷ്ട്രീയ നേതാവ് ഗ്രിഗറി യവിലന്സ്കി കഴിഞ്ഞ ദിവസം പറഞ്ഞിരുന്നു. ക്രൈമിയ തിരിച്ചുപിടിക്കാന് യുക്രൈന് ശ്രമിച്ചാല് അത്തരത്തിലൊരു ആക്രണം ഉണ്ടാകാന് സാധ്യതയുണ്ട്. ഗൗരവമായി ഇതിനെ കാണണമെന്നുമായിരുന്നു ഗ്രിഗറി പറഞ്ഞത്.
