കൊച്ചി: നടി അഹാന കൃഷ്ണ നായികയായ നാന്സി റാണി എന്ന ചിത്രം പുറത്തിറങ്ങുന്നതിന് മുന്പ് സംവിധായകന് മനു ജെയിംസ് അന്തരിച്ചു. മനു ജെയിംസിന്റെ കന്നിച്ചിത്രമായിരുന്നു നാന്സി റാണി.
.31 വയസായ മനു ജെയിംസ് മഞ്ഞപ്പിത്തം(ന്യൂമോണിയ) ബാധിച്ച് കൊച്ചിയിലെ രാജഗിരി ആശുപത്രിയിൽ ചികിത്സയിസിരിക്കെയാണ് മനുവിന്റെ അന്ത്യം. കോട്ടയം കുറവിലങ്ങാട് സ്വദേശിയാണ്. സിനിമയുടെ പോസ്റ്റ് പ്രൊഡക്ഷന് ജോലികള്ക്കിടയിലായിരുന്നു അന്ത്യം.
അഹാന കൃഷ്ണയ്ക്ക് പുറമെ അർജുൻ അശോകൻ, അജു വർഗീസ്, സണ്ണി വെയ്ൻ, ലെന, ലാൽ തുടങ്ങിയ വൻ താരനിര ഉള്പ്പെടുന്ന ചിത്രമായിരുന്നു നാൻസി റാണി. നാൻസി റാണി പുറത്തിറങ്ങാനിരിക്കെയാണ് സംവിധായകന്റെ അവിചാരിത വിയോഗം.
2004ൽ സാബു ജെയിംസ് സംവിധാനം ചെയ്ത ഐ ആം ക്യുരിയസ് എന്ന ചിത്രത്തിലൂടെ ബാല താരമായിട്ടായിരുന്നു സിനിമയിലേക്ക് മനു ജെയിംസിന്റെ അരങ്ങേറ്റം.
ഒരു സിനിമാനടിയുടെ കഥയാണ് നാന്സി റാണി. സിനിമാനടിയാകുക എന്ന സ്വപ്നം കാത്ത് സൂക്ഷിക്കുന്ന പെണ്കുട്ടിയാണ് നാന്സി റാണി. മമ്മൂട്ടിയുടെ ആരാധികയായ് മാറിയ പെണ്കുട്ടിയാണ് നാന്സി റാണി.. ഒരു പാട് യാതനകള് അവള് ജീവിതത്തില് അനുഭവിക്കുന്നു. എന്നാല് പ്രതിബന്ധങ്ങളെ മറികടന്ന് അവള് സിനിമാനടിയാകുന്നതാണ് ഈ സിനിമ. നാന്സി റാണി എന്ന മുഴുനീള കഥാപാത്രമാണ് അഹാന കൃഷ്ണകുമാര് അവതരിപ്പിക്കുന്നത്. അഹാന ക്കൊപ്പം അർജ്ജുൻ അശോകനും പ്രധാന വേഷത്തിൽ എത്തുന്നുണ്ട്.
സംസ്കാര ശുശ്രൂഷകള് ഞായറാഴ്ച വൈകുന്നേരം 3മണിക്ക് കുറവിലങ്ങാട് വീട്ടില് വെച്ചും സംസ്കാരം മേജര് ആര്ക്കി എപ്പിക്സോപ്പല് മാര്ത്തമറിയം ആര്ച്ച് ഡീക്കന് ദേവാലയത്തില്വെച്ചും നടക്കും.
