തിരുവനന്തപുരം: എന്റെ ഈശ്വരന്മാരെ സ്നേഹിച്ച് ഞാന് ലോകത്തുള്ള വിശ്വാസികളായ മനുഷ്യരെ മുഴുവന് സ്നേഹിക്കുമെന്ന് പറയുമ്പോള്. അവിശ്വാസികളോട് ഒട്ടും സ്നേഹമില്ലെന്ന് ചങ്കൂറ്റത്തോടെ തന്നെ പറയുമെന്ന് നടന് സുരേഷ് ഗോപി. ഒരു ശിവരാത്രി പരിപാടിയില് പങ്കെടുത്ത് സംസാരിക്കുകയായിരുന്നു സുരേഷ് ഗോപി,
വിശ്വാസികളുടെ അവകാശങ്ങളുടെ നേർക്ക് വരുന്ന ഒരു ശക്തിയോടും പൊറുക്കില്ല. അങ്ങനെ വരുന്നവരുടെ സർവനാശത്തിന് വേണ്ടി ഈ ശ്രീകോവിലിന് മുന്നിൽ പോയി പ്രാർത്ഥിച്ചിരിക്കും. – സുരേഷ് ഗോപി പറഞ്ഞു. അവിശ്വാസികള്ക്ക് നേരെ രൂക്ഷമായി പ്രതികരിച്ചതോടെ സമൂഹമാധ്യമങ്ങളില് നടന് നേരെ വിമര്ശനം ഉയരുന്നുണ്ട്. അതിനേക്കാള് ഏറെ കയ്യടിയും ഉയുരന്നുണ്ട്.
ആരെയും ഉപദ്രവിക്കാനല്ല നമ്മുടെ ഭക്തി. എന്നാൽ ഭക്തിയെയും ഭക്തി സ്ഥാപനങ്ങളെയും ഭക്തി മാര്ഗ്ഗത്തെയും നിന്ദിക്കാൻ വരുന്ന ഒരാൾ പോലും സമാധാനത്തോടെ നല്ല ജീവിതം ജീവിച്ച് ഈ ലോകത്ത് അവസാനിപ്പിക്കാൻ ഒരു കാരണവശാലും അന്തരീക്ഷം ഒരുങ്ങിക്കൂടാ. – അദ്ദേഹം പറഞ്ഞു.
വിശ്വാസി സമൂഹത്തിന്റെ അതിര്ത്തിയില് പോലും ആരും കടന്നുവന്ന് ദ്രോഹിക്കരുത്. ഞങ്ങളുടെ ലോകനന്മയ്ക്കുള്ള പ്രാര്ത്ഥനകള് ഞങ്ങള് നടത്തിക്കോളാം. അവിശ്വാസിക്കള്ക്കും വിശ്വാസം ധ്വംസനം ചെയ്യുന്നവരും ഇങ്ങോട്ട് നുഴഞ്ഞു കയറണ്ട. – സുരേഷ് ഗോപി പറയുന്നു.
