മുംബൈ : ലോകത്തിലെ ഏറ്റവും സമ്പന്നനായ ഇന്ത്യക്കാരനായി മുകേഷ് അംബാനി ഒന്നാമതെത്തി. അദാനിയെ പിറകിലാക്കിക്കൊണ്ടാണ് ഫോര്ബ്സിന്റെ തത്സമയ ശതകോടീശ്വരന്മാരുടെ പട്ടികയില്‍ റിലയന്‍സ് ഇന്‍ഡസ്ട്രീസ് ലിമിറ്റഡിന്റെ ചെയര്‍മാന്‍ മുകേഷ് അംബാനി ഒന്നാമതെത്തിയത്.
ഇതിന് മുമ്പ് ബ്ലൂംബെര്‍ഗ് പുറത്തുവിട്ട ശതകോടീശ്വരന്മാരുടെ പട്ടികയില്‍ 84.4 ബില്യണ്‍ ഡോളര്‍ ആസ്തിയുമായി 11ാം സ്ഥാനത്തായിരുന്നു അദാനി. പിന്നീട് എല്‍വിഎംഎച്ച് സിഇഒ ബെര്‍ണാഡ് അര്‍ണോള്‍ട്ടിനെയും ടെസ്ല സിഇഒ എലോണ്‍ മസ്‌കിനെയും പിന്നിലാക്കി 121 ബില്യണ്‍ ഡോളര്‍ ആസ്തിയുമായി അദാനി രണ്ടാമതായിരുന്നു.
എന്നാല്‍ കഴിഞ്ഞ ദിവസം യുഎസ് ആസ്ഥാനമായുള്ള ഗവേഷണ സ്ഥാപനമായ ഹിന്‍ഡന്‍ബര്‍ഗിന്റെ റിപ്പോര്‍ട്ട് പുറത്തുവന്നതിന് ശേഷം അദാനി ഗ്രൂപ്പിന്റെ ഓഹരി വിലയില്‍ ഇടിവ് സംഭവിക്കുകയായിരുന്നു. ഇതോടെ മുകേഷ് അംബാനി ഒന്നാമതേയ്‌ക്ക് കുതിക്കുകയുമായിരുന്നു.
