ന്യൂദല്‍ഹി: ആസ്ത്രേല്യയുമായി ബോര്‍ഡര്‍-ഗവാസ്കര്‍ ട്രോഫിക്ക് വേണ്ടിയുള്ള മത്സരത്തിന് മുന്‍പേ ഋഷികേശിലെ ആശ്രമം സന്ദര്‍ശിച്ച് ക്രിക്കറ്റ് താരം വിരാട് കോഹ്ലിയും ഭാര്യ അനുഷ്ക ശര്‍മ്മയും. സ്വാമിയെ സന്ദര്‍ശിക്കുന്ന ഇരുവരുടെയും ചിത്രങ്ങള്‍ ഇപ്പോള്‍ വൈറലായി സമൂഹമാധ്യമങ്ങളില്‍ പ്രചരിക്കുന്നു.
ന്യൂസിലാന്‍റുമായുള്ള ടി-20 മത്സരങ്ങളില്‍ വിരാട് കോഹ്ലി ഇല്ല. ഈ വിശ്രമവേളയിലാണ് വിരാട് കോഹ്ലിയും ഭാര്യ അനുഷ്കയും ഋഷികേശില്‍ എത്തിയത്.
സ്വാമി ദയാനന്ദ് ജി മഹാരാജിന്റെ സമാധിയില്‍ ഇരുവരും പ്രാര്‍ത്ഥിക്കുന്നത് കാണാം. ഋഷികേശിലെ സ്വാമി ദയാനന്ദ് ആശ്രമത്തിലാണ് ഈ സമാധി.
ആഴ്ചകള്‍ക്ക് മുന്‍പ് ഇരുവരും വൃന്ദാവനിലെ നീം കരോലി ബാബയുടെ ആശ്രമവും സന്ദര്‍ശിച്ചിരുന്നു. ഈ സന്ദര്‍ശനത്തിന് ശേഷം ശ്രീലങ്കയ്‌ക്കെതിരെ വിരാട് കോഹ്ലി മൂന്ന് ഗെയിമുകളിലായി രണ്ട് സെഞ്ച്വറികള്‍ നേടിയിരുന്നു.
