രാമപുരം: ശബരിമല തീര്‍ത്ഥാടകരുടെ മിനി ബസ് നിയന്ത്രണം വിട്ട് മതിലില്‍ ഇടിച്ച് മറിഞ്ഞത് മൂലം 14 തീര്‍ത്ഥാടകര്‍ക്ക് പരിക്കേറ്റു. ഇതില്‍ അഞ്ചുപേരുടെ നില ഗുരുതരമാണ്. റോഡിലെ തിട്ടയില്‍ ഇടിച്ച് ബസ് നിയന്ത്രണം വിട്ട് മറിയുകയായിരുന്നു. ജനല്‍ ചില്ല് തകര്‍ന്ന് പുറത്തേക്ക് തെറിച്ചവര്‍ക്കാണ് ഗുരുതരമായി പരിക്കേറ്റത്.
ശനിയാഴ്ച കോട്ടയം പാലാ-തൊടുപുഴ റോഡില്‍ മാനത്തൂരിന് സമീപമാണ് അപകടം. ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമായതെന്ന് പറയുന്നു. . തമിഴ്നാട് വെല്ലൂരില്‍ നിന്ന് തീര്‍ത്ഥാടനത്തിന് പോകുകയായിരുന്നവര്‍ സഞ്ചരിച്ച വാഹനമാണ് അപകടത്തില്‍പ്പെട്ടത്. ഗുരുതരമായി പരിക്കേറ്റ് അഞ്ച് പേര്‍ കോട്ടയം മെഡിക്കല്‍ കോളെജില്‍ ചികിത്സയിലാണ്.
നിസ്സാരപരിക്കേറ്റവരെ പാല ഗവ. ആശുപത്രിയില്‍ പ്രവേശിപ്പിച്ചു. തമിഴ്നാട് വെല്ലൂര്‍ സ്വദേശികളായ അരുണ്‍(49), ശ്രാവണന്‍ (45), അജിത് (22), ടി.കെ. രാമന്‍ (22), ഏഴിമലൈ (50), കന്നിയപ്പന്‍ (43), പിച്ചാണ്ടി (57), ദിനകരന്‍ (33), ഭുവനേശ് (19), സുദര്‍ശന്‍ (43), പിച്ചാണ്ടി (57), ദിനകരന്‍ (33), ഭുവനേശ് (19), സുദര്‍ശന്‍ (43), സായ്സുതന്‍ (13), മനോജ്കുമാര്‍ (19), വിനോദ് (32), വിധുന്‍ (52), മോണിങ്ങ്ശ്രീ (62), ആറുമുഖന്‍ (47), ഉത്തര്‍പ്രദേശ് സ്വദേശിയായ വി.പി. പാണ്ടൈ (55) എന്നിവര്‍ക്കാണ് പരിക്കേറ്റത്.
