പത്തനംതിട്ട: ശബരിമല സന്നിധാനത്ത് മാളികപ്പുറത്തിനു സമീപം കതിന പൊട്ടിത്തെറിച്ച് മൂന്നു പേര്ക്കു പരുക്ക്. ഒരാളുടെ നില ഗുരുതരമെന്നാണ് റിപ്പോര്ട്ട്. കതിനയില് വെടിമരുന്ന് നിറയ്ക്കുന്നതിനിടെയാണ് അപകടമുണ്ടായത്.
അപകടത്തില്പെട്ട ഒരാള്ക്ക് 60 ശതമാനം പൊള്ളലേറ്റിട്ടുണ്ട്. ഇയാളുടെ നിലയാണ് ഗുരുതരമായി തുടരുന്നത്. മറ്റു രണ്ടുപേര്ക്ക് 40 ശതമാനം പൊള്ളലേറ്റു. എ.ആര്.ജയകുമാര്(47), അമല്(28), രജീഷ്(35) എന്നിവര്ക്കാണ് പൊള്ളലേറ്റത്. തീര്ഥാടകര്ക്ക് അപകടമില്ല. പരുക്കേറ്റവരെ സന്നിധാനത്തെ ആശുപത്രിയില് പ്രവേശിപ്പിച്ചു.
