വഡോദര : മകളുടെ അശ്ലീല ദൃശ്യങ്ങള് പ്രചരിപ്പിച്ചതിനെ ചോദ്യം ചെയ്ത ബിഎസ്എഫ് ജവാനെ ആരോപണ വിധേയനായ കുട്ടിയുടെ ബന്ധുക്കള് മര്ദ്ദിച്ചുകൊന്നു. ഗുജറാത്ത് ഗാസിയാബാദിലെ ചഖലാസിയിലാണ് സംഭവം. ബിഎസ്എഫ് ജവാനായ മെല്ജിഭായ് വഗേലയെയാണ് കൊല്ലപ്പെട്ടത്.
മകളുടെ അശ്ലീല വിഡിയോ 15കാരന് പ്രചരിപ്പിച്ചതിനെ വഗേല ചോദ്യം ചെയ്തതിനെ തുടര്ന്നുണ്ടായ വാക്ക് തര്ക്കമാണ് കൊലപാതകത്തിലേക്ക് എത്തിയത്. സംഭവത്തില് ഏഴുപേര് അറസ്റ്റിലായിട്ടുണ്ട്. പതിനഞ്ചുകാരന്റെ ബന്ധുക്കളാണ് അറസ്റ്റിലായവര്.
പതിനഞ്ചുകാരനും ജവാന്റെ മകളും സ്കൂളില് ഒരുമിച്ച് പഠിച്ചിരുന്നതാണ്. വഗേല കുടുംബാംഗങ്ങള്ക്കൊപ്പമാണ് ആണ്കുട്ടിയെ ചോദ്യം ചെയ്യാനെത്തിയത്. ഭാര്യയും രണ്ട് ആണ്മക്കളും അനന്തരവനുമാണ് ഇയാള്ക്കൊപ്പമുണ്ടായിരുന്നതെന്ന് പോലീസ് എഫ്ഐആറില് പറയുന്നുണ്ട്.
