തിരുവനന്തപുരം: മുരളീധരന്‍ കേരളത്തിന്റെ വികസനത്തിന് തടസ്സം നില്‍ക്കുന്നുവെന്ന ജോണ്‍ ബ്രിട്ടാസിന്റെ വാദം പാര്‍ലമെന്‍റില്‍ തള്ളി ലീഗ് എംപി അബ്ദുള്‍ വഹാബ്. വി. മുരളീധരന്‍ ദല്ഹിയിലെ കേരളത്തിന്റെ അംബാസഡറാണെന്ന് അബ്ദുള്‍ വഹാബ് എംപി പറഞ്ഞു.
സംസ്ഥാന സര്‍ക്കാരിനെതിരായ മുരളീധരന്റെ പ്രസ്താവനയില്‍ കഴമ്പുണ്ടെന്നും വഹാബ് രാജ്യസഭയില്‍ പറഞ്ഞു. “കേരളത്തിന് വേണ്ടി മികച്ച രീതിയില്‍ മുരളീധരന്‍ പ്രവര്‍ത്തിക്കുന്നുണ്ട്. കേരളത്തെ അദ്ദേഹം നന്നായി നോക്കുന്നുമ്ട്. എന്നാല്‍ കേരളത്തിനെതിരെ റോഡ് വിഷയങ്ങളില്‍ അദ്ദേഹം വിമര്‍ശനങ്ങളും ഉന്നയിക്കുന്നുണ്ട്. “- അബ്ദുള്‍ വഹാബ് എംപി പറഞ്ഞു.
മുരളീധരന്‍ നോട്ട് അസാധുവാക്കല്‍ സമയത്ത് പറഞ്ഞത് മറന്നുപോയെന്നും നേരത്തെ ജോണ്‍ ബ്രിട്ടാസ് കുറ്റപ്പെടുത്തിയിരുന്നു.
