തിരുവനന്തപുരം: വനിതാ കൗണ്സിലര്മാരെ അപമാനിച്ച സിപിഎം കൗണ്സിലര് ഡി.ആര്. അനിലിന്റെ ഓഫീസിലേക്ക് ബിജെപി നടത്തിയ മാര്ച്ചില് സംഘര്ഷം. ഡി.ആര്. അനിലിന്റെ രാജി ആവശ്യപ്പെട്ടായിരുന്നു മാര്ച്ച്.
മാര്ച്ചില് പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി. ഓഫീസിലിന്റെ വാതിലില് പ്രവര്ത്തകര് കരി ഓയില് ഒഴിച്ചതായി പൊലീൂസ് ആരോപിക്കുന്നു. വനിത പ്രവര്ത്തകരുടെ നേതൃത്വത്തിലായിരുന്നു ബിജെപി മാര്ച്ച് നടത്തിയത്. വനിതകളെ മയമില്ലാതെ വനിതാ പൊലീസുകാര് കൈകാര്യം ചെയ്തതാണ് പ്രവര്ത്തകരെ പ്രകോപിപ്പിച്ചത്. ഇതോടെ പുരുഷ പ്രവര്ത്തകരുമെത്തി. പിന്നീലെ പുരുഷപൊലീസുമെത്തിയതോടെ ഉന്തും തള്ളുമായി.
കൗണ്സില് യോഗത്തില് പങ്കെടുക്കാതെ ഒപ്പിട്ട് മടങ്ങുന്നത് പണത്തിന് വേണ്ടിയാണെങ്കില് മറ്റ് മാര്ഗ്ഗം നോക്കണമെന്നതായിരുന്നു ഡി.ആര്. അനില് വനിതാ കൗണ്സിലര്മാരോട് പറഞ്ഞത്. ഇതിനെതിരെ ഇതുവരെയും പൊലീസ് കേസെടുത്തിട്ടില്ല.
