കൊച്ചി : എംഎല്എയെ പരസ്യമായി അപമാനിച്ചെന്ന ആരോപണത്തില് കിഴക്കമ്പലം ട്വന്റി 20 പ്രസിഡന്റ് സാബു എം. ജേക്കബിനെതിരെ കേസെടുത്തു. എംഎല്എ പി.വി. ശ്രീനിജന് നല്കിയ പരാതിയില് സാബു ജേക്കബിനെ ഒന്നാം പ്രതിയാക്കിയാണ് പുത്തന്കുരിശ് പോലീസ് കേസെടുത്തിരിക്കുന്നത്.
ഐക്കരനാട് കൃഷിഭവന് സംഘടിപ്പിച്ച കര്ഷക ദിനാഘോഷത്തില് ഉദ്ഘാടകനായി എത്തിയ എംഎല്എയെ വേദിയില് വച്ച് പരസ്യമായി അപമാനിച്ചെന്നാണ് പരാതി. പട്ടികജാതി പീഡന നിരോധന നിയമപ്രകാരമാണ് കേസ് രജിസ്റ്റര് ചെയ്തിട്ടുള്ളത്. ട്വന്റി 20 നേതൃത്വം വിവേചനപരമായി പെരുമാറുന്നതായി ഇതിന മുമ്പും എംഎല്എ ആരോപണം ഉന്നയിച്ചിട്ടുണ്ട്.
എംഎല്എയ്ക്കും ട്വന്റി 20യ്ക്കുമിടയില് ഇതിന് മുമ്പും പല തവണ അഭിപ്രായ വ്യത്യാസങ്ങളും ഉടലെടുത്തിട്ടുണ്ട്. ഐക്കരനാട് പഞ്ചായത്ത് പ്രസിഡന്റ് ഡീനാ ദീപക്കാണ് കേസിലെ രണ്ടാം പ്രതി.
