ജയ്പുര്: എബിവിപിയുടെ 68മത് ദേശീയ സമ്മേളനത്തില് ഇന്ന് തുടക്കമായി. രാജസ്ഥാനിലെ ജയ്പുരില് വെച്ച് നടക്കുന്ന ദ്വിദിന സമ്മേളനത്തില് ദേശീയ പ്രസിഡന്റ് ആയി ഡോ.രാജ്ശരണ് ഷാഹി (ഉത്തര്പ്രദേശ്) ദേശീയ ജനറല് സെക്രട്ടറി ആയി യജ്ഞവല്ക്യ ശുക്ല (ബീഹാര്) എന്നിവര് ചുമതലയേറ്റു. നവംബര് 25 മുതല് 27 വരെ നടക്കുന്ന ദേശീയ സമ്മേളനത്തില് വിവിധ ദേശീയ വിദ്യാഭ്യാസ വിഷയങ്ങളും മറ്റു സാമൂഹിക വിഷയങ്ങളും ചര്ച്ച ചെയ്യും.
സമ്മേളനത്തോട് അനുബന്ധിച്ച് നവംബര് 26 ന് പ്രൊ. യശ്വന്ത്റാവു കേല്ക്കര് പുരസ്കാരം മഹാരാഷ്ട്ര സ്വദേശിയായ നന്ദകുമാര് പാല്വെക്ക് സമ്മാനിക്കും അനാഥരുടെയും മാനസിക വൈകല്യം ഉള്ളവരുടെയും പുനരധിവാസത്തിനായി സേവാ സങ്കല്പ്പ് പ്രതിഷ്ഠാന് എന്ന സംഘടനയുടെ പേരില് നടത്തിയ പ്രവര്ത്തനങ്ങള്ക്കായാണ് പുരസ്കാരം. ചടങ്ങില് കേന്ദ്ര വിദ്യാഭ്യാസ വകുപ്പ് മന്ത്രി ധര്മേന്ദ്ര പ്രധാന് പുരസ്കാരം സമ്മാനിക്കും.
