മലപ്പുറം : വനിതാ ഗ്രാമപഞ്ചായത്ത് അംഗത്തെ പീഡിപ്പിച്ച കേസിലെ സിപിഎം നേതാവായ പ്രതി ഒരു മാസത്തിനു ശേഷം പിടിയില്. താനാളൂര് തയ്യില്പറമ്പില് പ്രമിത്ത്(32) ആണ് കോട്ടയ്ക്കല് പോലീസിന്റെ പിടിയിലായത്. താനാളൂര് ഗ്രാമപഞ്ചായത്ത് അംഗത്തെ പ്രതി സ്വകാര്യ ദൃശ്യങ്ങള് കാട്ടി ഭീഷണിപ്പെടുത്തി കോട്ടയ്ക്കലിലെ ഹോട്ടലില് എത്തിച്ച് പീഡിപ്പിച്ചു എന്നാണ് പരാതി.
ജൂലൈ 14, സെപ്റ്റംബര് 17 തീയതികളിലാണ് കേസിന് ആസ്പദമായ സംഭവം നടന്നത്. ഇത് സംബന്ധിച്ച് യുവതി പോലീസില് പരാതി നല്കിതോടെയാണ് സംഭവം പുറത്തറിയുന്നത്. ഇതോടെ പ്രാദേശിക സിപിഎം നേതാവായ പ്രതി ഒളിവില് പോവുകയായിരുന്നു. അതിനിടെ പ്രതി മുന്കൂര് ജാമ്യത്തിനായി കോടതിയെ സമീപിച്ചെങ്കിലും കോടതി ഇതി തള്ളി.
തുടര്ന്ന് പോലീസ് ഇയാളുടെ അറസ്റ്റ് രേഖപ്പെടുത്തി കോടതിയില് ഹാജരാക്കി റിമാന്ഡ്ചെയ്തു. അതിനിടെ പ്രമിത്തിന് ഒളിവില് കഴിയാന് സിപിഎം നേതാക്കള് സഹായം നല്കിയതായും ആരോപണം ഉയര്ന്നിട്ടുണ്ട്.
