കൊച്ചി: കോളെജ് യൂണിയന്‍ തെരഞ്ഞെടുപ്പിനോടനുബന്ധിച്ച് കെഎസ് യു-എസ് എഫ് ഐ ഏറ്റുമുട്ടലിനെ തുടര്‍ന്ന് എറണാകുളം മഹാരാജാസ് കോളെജ് അനിശ്ചിതകാലത്തേക്ക് അടച്ചു. ഏറ്റുമുട്ടലില്‍ പരിക്കേറ്റ 10 വിദ്യാര്‍ത്ഥികളെ തൊട്ടടുത്തുള്ള എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.
നവമ്പര്‍ 28നാണ് തെരഞ്ഞെടുപ്പ്. വിദ്യാര്‍ത്ഥി സംഘങ്ങള്‍ ഏറ്റുമുട്ടുന്നത് തടയാന്‍ പൊലീസിന് ലാത്തിച്ചാര്‍ജ്ജ് നടത്തേണ്ടി വന്നു.
ചൊവ്വാഴ്ച ഉച്ചയ്‌ക്കും പിന്നീട് വൈകുന്നേരവും വിദ്യാര്‍ത്ഥി സംഘങ്ങള്‍ ഏറ്റുമുട്ടിയിരുന്നു. തുടര്‍ന്നാണ് കോളെജ് അനിശ്ചിതകാലത്തേക്ക് അടച്ചിട്ടതായി ബുധനാഴ്ച പ്രിന്‍സിപ്പല്‍ തീരുമാനിച്ചത്.
