കൊച്ചി : നടിയെ ആക്രമിച്ച കേസില് അന്വേഷണ സംഘം സമര്പ്പിച്ച അധിക കുറ്റപത്രത്തിലെ കുറ്റം നിഷേധിച്ച് നടന് ദിലീപ്. എറണാകുളം ജില്ലാ സെഷന്സ് കോടതിയിലാണ് ക്രൈംബ്രാഞ്ച് അധിക കുറ്റപത്രം സമര്പ്പിച്ചത്. കേസിലെ മറ്റൊരു പ്രതിയും ദീലിപിന്റെ അടുത്ത സുഹൃത്തുമായ ശരത്തും കുറ്റം നിഷേധിച്ചിട്ടുണ്ട്.
അടച്ചിട്ട മുറിയിലായിരുന്നു വിസ്താരം. മഞ്ജു വാര്യര്, ബാലചന്ദ്ര കുമാര് എന്നിവര് ഉള്പ്പടെ ആദ്യം വിസ്തരിക്കേണ്ട 39 സാക്ഷികളുടെ പട്ടികയും പ്രോസിക്യൂഷന് കോടതിക്ക് കൈമാറി. കേസ് നവംബര് 3 ന് വീണ്ടും പരിഗണിക്കും. കേസിലെ തെളിവ് നശിപ്പിച്ചതടക്കം പുതുതായി ചുമത്തിയ രണ്ട് കുറ്റങ്ങളും നിലനില്ക്കുമെന്ന് കോടതി നേരത്തെ വ്യക്തമാക്കിയിരുന്നു. കഴിഞ്ഞ ഡിസംബറില് നിര്ത്തിവെച്ച വിചാരണ നവംബര് പത്തിന് പുനരാരംഭിക്കാനാണ് കോടതിയുടെ തീരുമാനം.
ക്രൈംബ്രാഞ്ച് നല്കിയ തുടരന്വേഷണ റിപ്പോര്ട്ടിലെ തെളിവ് നശിപ്പിക്കല്, തെളിവ് ഒളിപ്പിക്കല് അടക്കമുള്ള കുറ്റങ്ങള് നിലനില്ക്കില്ലെന്നും തുടരന്വേഷണ റിപ്പോര്ട്ട് തള്ളണമെന്നുമായിരുന്നു എട്ടാം പ്രതി ദിലീപ് 15 ആം പ്രതി ശരത്ത് എന്നിവര് കോടതിയോട് ആവശ്യപ്പെട്ടിരുന്നത്.
