തൃശൂര്: പോപ്പുലര് ഫ്രണ്ട് നിരോധിച്ചതില് പ്രതിഷേധിച്ച് സെപ്തംബര് 28ന് നടത്തിയ പ്രകടനത്തിന് നേതൃത്വം നല്കിയ മൂന്ന് പോപ്പുലര് ഫ്രണ്ട് നേതാക്കളെ കേരളാ പൊലീസ് യുഎപിഎ പ്രകാരം അറസ്റ്റ് ചെയ്തു.
പോപ്പുലര് ഫ്രണ്ട് ഇന്ത്യ ജില്ലാ സെക്രട്ടറി ചാവക്കാട് അഞ്ചങ്ങാടി സ്വാദേശി കെ.എച്ച്.ഷാജഹാന് (37), ചാവക്കാട് ബ്ലാങ്ങാട് സ്വദേശി ടി.എം.ഷഫീദ് (39), ചാവക്കാട് അഞ്ചങ്ങാടി സ്വദേശി പി.കെ. ഇബ്രാഹിം (49) എന്നിവരാണ് അറസ്റ്റിലായത്.
ഇക്കഴിഞ്ഞ സെപ്തംബര് 28നാണ് ഈ മൂന്ന് പേരുടെ നേതൃത്വത്തില് ചാവക്കാട് കടപ്പുറം പഞ്ചായത്ത് ഓഫീസ് മുതല് അഞ്ചങ്ങാടി ജംഗ്ഷന് വരെ പ്രകടനം നടത്തിയത്. ഗുരുവായൂര് എസിപി കെ.ജി. സുരേഷിന്റെ നേതൃത്വത്തില് ഒരു സംഘം പൊലീസ് മൂന്ന് പേരെയും കസ്റ്റഡിയിലെടുത്തത്.
