കോട്ടയം: പോപ്പുലര് ഫ്രണ്ട് ഹര്ത്താലിനിടെ കോട്ടയം കോട്ടമുറിയില് ബേക്കറി ആക്രമിച്ച കേസില് രണ്ട് പ്രതികള് പിടിയില്. പോപ്പുലര് ഫ്രണ്ട്, എസ്ഡിപിഐ പ്രവര്ത്തകരായ മറ്റം സ്വദേശി നസറുള്ള, നൂറ്റൊന്നുകവല സ്വദേശി ഷമീര് സലീം എന്നിവരാണ് അറസ്റ്റിലായത്. ബൈക്കിലെത്തിയാണ് ഇരുവരും ബേക്കറിക്ക് നേരേ ആക്രമണം നടത്തിയത്.
തെള്ളകത്ത് കെഎസ്ആര്ടിസി ബസ് കല്ലെറിഞ്ഞ് തകര്ത്ത സംഭവത്തിലും രണ്ട് പോപ്പുലര് ഫ്രണ്ട് പ്രവര്ത്തകരെ അറസ്റ്റ് ചെയ്തിട്ടുണ്ട്. പെരുമ്പായിക്കാട് സ്വദേശി ഷാഹുല് ഹമീദ്, നൂറ്റൊന്നുകവല സ്വദേശി മുഹമ്മദ് റാഫി എന്നിവര് അറസ്റ്റിലായത്. ഏറ്റുമാനൂര് പോലീസ് സ്റ്റേഷന് പരിധിയിലായിരുന്നു രണ്ട് ആക്രമണവും. കഴിഞ്ഞ ദിവസം വൈകീട്ടോടെയാണ് പ്രതികളുടെ അറസ്റ്റ് രേഖപ്പെടുത്തിയത്. നാല് പ്രതികളേയും ഇന്ന് കോടതിയില് ഹാജരാക്കും.
