കൊല്ലം: ജന്മഭൂമി കൊല്ലം യൂണിറ്റിന്റെ അഞ്ചാം വാര്‍ഷികാഘോഷങ്ങളുടെ തുടക്കം കുറിച്ച് ജനപ്രതിനിധി സംഗമവും ഏജന്‍സി സംഗമവും നാളെ നടക്കും. ചിന്നക്കട ഹോട്ടല്‍ നാണി ഹാളില്‍ രാവിലെ 9.30ന് രജിസ്‌ട്രേഷനോടെ സംഗമത്തിന് തുടക്കമാകും. 10ന് കുമ്മനം രാജശേഖരന്‍ ജനപ്രതിനിധി സംഗമം ഉദ്ഘാടനം ചെയ്യും. ജന്മഭൂമി മാനേജിംഗ് ഡയറക്ടര്‍ എം. രാധാകൃഷ്ണന്‍ മുഖ്യപ്രഭാഷണം നിര്‍വഹിക്കും.
സ്വാഗതസംഘം ചെയര്‍മാന്‍ കേണല്‍ എസ്. ഡിന്നി അധ്യക്ഷനാകും. ബിജെപി ജില്ലാപ്രസിഡന്റ് ബി.ബി. ഗോപകുമാര്‍, ജന്മഭൂമി പ്രിന്റര്‍ ആന്‍ഡ് പബ്ലിഷര്‍ വി. മുരളീധരന്‍ എന്നിവര്‍ സംസാരിക്കും. പൊതുസമൂഹത്തിനായി കേന്ദ്രസര്‍ക്കാര്‍ നടപ്പാക്കുന്ന വിവിധ പദ്ധതികളെ കുറിച്ച് കര്‍ഷകമോര്‍ച്ച സംസ്ഥാന പ്രസിഡന്റ് അഡ്വ. ജയസൂര്യന്‍ പ്രഭാഷണം നടത്തും. മൂന്നുസെഷനുകളിലായി വിദഗ്ധര്‍ ക്ലാസെടുക്കും.
ഉച്ചയ്‌ക്ക് 3.30ന് ഏജന്റുമാരുടെ സംഗമം എം. രാധാകൃഷ്ണന്‍ ഉദ്ഘാടനം ചെയ്യും. കോര്‍പ്പറേറ്റ് സര്‍ക്കുലേഷന്‍ മാനേജര്‍ ടി.വി. പ്രസാദ് ബാബു, യൂണിറ്റ് മാനേജര്‍ ജി. സുരേഷ്, സീനിയര്‍ റിപ്പോര്‍ട്ടര്‍ പി.എന്‍. സതീഷ്, വി. രവികുമാര്‍ എന്നിവര്‍ സംസാരിക്കും. മികച്ച പ്രവര്‍ത്തനം കാഴ്ച വച്ച ഏജന്റുമാരെ ചടങ്ങില്‍ അനുമോദിക്കും.
