ന്യൂദല്‍ഹി: ഭാരത് ജോഡോ യാത്രയില്‍ രാഹുല്‍ഗാന്ധി ഉയര്‍ത്തുന്ന പ്രധാനപ്രശ്നം വിലക്കയറ്റമാണ്. പക്ഷെ യാത്ര ആരംഭിച്ച ദിവസം കന്യാകുമാരിയില്‍ രാഹുല്‍ഗാന്ധി സമരത്തിനെത്തിയത് 41000 രൂപ വിലയുള്ള ടി-ഷര്‍ട്ട് ധരിച്ച്.
ആഡംബര ബ്രാന്റിന്റെ ടി-ഷര്‍ട്ടാണ് ധരിച്ചത്. ‘ഭാരതമേ കാണൂ’ എന്ന് പറഞ്ഞ് ബിജെപി ഈ ആഡംബര ടി-ഷര്‍ട്ടിന്റെ ഫോട്ടോയടക്കം ട്വിറ്ററില്‍ പങ്കുവെച്ചു. ഈ ഷര്‍ട്ടിന് വില 41,275 രൂപയാണെന്ന് ബിജെപി ട്വീറ്റില്‍ അവകാശപ്പെടുന്നു.
കന്യാകുമാരിയില്‍ നിന്നും സപ്തംബര്‍ എട്ടിനാണ് ഭാരത് ജോഡോ യാത്ര ആരംഭിച്ചത്. കന്യാകുമാരിയില്‍ നിന്നും കശ്മീര്‍ വരെ 3,570 കിലോമീറ്റര്‍ ദൂരം അഞ്ചുമാസക്കാലയളവ് കൊണ്ട് താണ്ടുകയാണ് ഭാരത് ജോഡോ യാത്രയുടെ ലക്ഷ്യം.
