തിരുവനന്തപുരം: പുതിയ കാറുകള് സര്ക്കാര് വകുപ്പുകള്ക്ക് വാങ്ങാനുള്ള പാങ്ങ് ഇപ്പോള് സര്ക്കാരിനില്ലെന്ന് ധനമന്ത്രി കെ. എന് ബാലഗോപാല്. പുതിയ കാര് വാങ്ങുന്നതില് നിയന്ത്രണം കൊണ്ടു വരും. എല്ലാവര്ക്കും വലിയ കാറുകള് വാങ്ങേണ്ട ആവശ്യമില്ല.
സഞ്ചരിക്കുന്ന ദൂരം കൂടി പരിഗണിച്ച് മാത്രമേ ഇനി വാഹനങ്ങള് അനുവദിക്കൂവെന്നും അദ്ദേഹം വ്യക്തമാക്കി. സംസ്ഥാനത്തിന്റെ നിലവിലെ സാമ്പത്തിക സ്ഥിതിയില് ആശങ്കയുണ്ട്. എന്നാല് കാര്യങ്ങള് അപകടകരമായ നിലയില് കൈവിട്ട് പോയിട്ടിട്ടില്ലെന്നും ധനമന്ത്രി വ്യക്തമാക്കി.
അടുത്തിടെ എല്ലാവരും വലിയ വാഹനങ്ങള് വാങ്ങാന് അനുമതി തേടുകയാണ്. ഈ രീതി അവസാനിപ്പിക്കും. ഇക്കാര്യത്തില് ഉടന് ധനവകുപ്പ് പ്രത്യേക ഉത്തരവ് ഇറക്കും. കൂട്ടിച്ചേര്ത്തു.
സാമ്പത്തിക പ്രതിസന്ധിയില് ഉഴലുന്ന കെഎസ്ആര്ടിസിയെ കൈവിടില്ലെന്നും തുടര്ന്നും സര്ക്കാര് സംരക്ഷിക്കുമെന്നും ധനമന്ത്രി പറഞ്ഞു. എന്നാല് ധനകാര്യ മാനേജ്മെന്റില് കെഎസ്ആര്ടിസി ശ്രദ്ധിക്കണം. പുതിയ പരിഷ്കാരങ്ങള് തുടരുമെന്നും അദേഹം പറഞ്ഞു.
