ന്യൂദല്‍ഹി: ഭാവിയുടെ കാറുകള്‍ രൂപപ്പെടുത്തുന്ന ഗവേഷണത്തില്‍ കാര്യമായി ഏര്‍പ്പെടുന്ന കമ്പനിയാണ് ജപ്പാനില്‍ നിന്നുള്ള ടൊയോട്ട് കിര്‍ലോസ്കര്‍.അവര്‍ അവതരിപ്പിച്ച ഹൈഡ്രജന്‍ കാറുകളില്‍ ഒരെണ്ണം 2022ലേ കേരളത്തില്‍ എത്തിയിരുന്നു.
ഈ കാര്‍ പ്രവര്‍ത്തിക്കുന്ന ഹൈഡ്രജന്‍ ബാറ്ററിയിലാണ്. കാറിന്റെ മുൻവശത്തെ ഗ്രില്ലിലൂടെ വലിച്ചെടുക്കുന്ന ഓക്‌സിജനും, ബാറ്ററിയുടെ ഉള്ളിലുള്ള ഹൈഡ്രജനും സംയോജിപ്പിക്കുമ്പോഴുണ്ടാകുന്ന വൈദ്യുതി ഉപയോഗിച്ചാണ് കാറിന്റെ പ്രവർത്തനം. കാർബൺ രഹിത ഇന്ധനമായ ഹൈഡ്രജൻ ഉപയോഗിക്കുന്നതിനാൽ പരിസര മലിനീകരണം തീരെ കുറവ്. ഒറ്റച്ചാര്‍ജില്‍ 659 കിലോമീറ്റര‍് വരെ ഓടാം.
ജപ്പാനാണ് ഇത്തരം ഭാവികാര്‍ പരീക്ഷണത്തില്‍ മുന്നിട്ട് നില്‍ക്കുന്നത്. ഹൈഡ്രജൻ വിതരണം സുലഭമായാല്‍ ഒരു കിലോമീറ്റർ യാത്രയ്‌ക്ക് പ്രതീക്ഷിക്കുന്ന ചിലവ് രണ്ടര രൂപ മാത്രം. ഒന്നരക്കോടിയാണ് തിരുവനന്തപുരത്ത് 2022ല്‍ എത്തിച്ച കാറിന്റെ വില.
