കോഴിക്കോട്: കോഴിക്കോട് മെഡിക്കല് കോളേജിലെ സുരക്ഷാ ജീവനക്കാരെ അതിക്രൂരമായി മര്ദ്ദിച്ച് ഡിവൈഎഫ്ഐ പ്രവര്ത്തകര്. ഡിവൈഎഫ്ഐ ജില്ലാ ജോയിന്റ് സെക്രട്ടറി കെ അരുണിന്റെ നേതൃത്വത്തിലുള്ള എട്ട് അംഗ സംഘമാണ് ആക്രമണം നടത്തിയത്. പ്രതികളെ തിരിച്ചറിഞ്ഞിട്ടും അറസ്റ്റ് ചെയ്യാത്തതില് ആക്ഷേപം ഉയരുന്നു.
ഇന്നലെയാണ് കോഴിക്കോട് മെഡിക്കല് കോളേജ് ആശുപത്രിയിലെ സുരക്ഷാ ജീവനക്കാരെ പതിനഞ്ചംഗ സംഘം ക്രൂരമായി മര്ദ്ദിച്ചത്. മെഡിക്കല് കോളേജ് സൂപ്രണ്ടിനെ കാണാനെത്തിയ ദമ്പതികളെ സുരക്ഷാ ജീവനക്കാര് തടഞ്ഞതാണ് പ്രശ്നങ്ങളുടെ തുടക്കം. ദമ്പതികള് പോയതിന് പിന്നാലെ സ്ഥലത്തെത്തിയ അക്രമിസംഘം ജീവനക്കാരെ മര്ദിക്കുകയായിരുന്നു. മൂന്ന് സുരക്ഷാ ജീവനക്കാര്ക്കും, രോഗികളെ സന്ദര്ശിക്കാനെത്തിയവര്ക്കുമാണ് മര്ദനമേറ്റത്. അക്രമികളെ ഉടന് അറസ്റ്റ് ചെയ്യണമെന്നാവശ്യപ്പെട്ട് ആശുപത്രി ജീവനക്കാര് പ്രതിഷേധ പ്രകടനം നടത്തിയിരുന്നു. അതേസമയം, സൂപ്രണ്ടിനെ കാണാനെത്തിയ സ്ത്രീയോട് സുരക്ഷാ ജീവനക്കാര് മോശമായി പെരുമാറിയതായി ആരോപണമുണ്ട്.
